«AMANAT» және «Adal» партиялары бірікті

26 сәуір 2022, 17:41

«Adal» партиясы «AMANAT» партиясына қосылды. Мемлекет басшысы Қасым-Жомарт Тоқаев бұл бастаманы партиялық саладағы өзгерістердің басталуының айқын көрсеткіші деп атады, - деп хабарлайды Alashainasy.kz тілшісі Zakon.kz-ке сілтеме жасап.

Қазақстан Президенті Қасым-Жомарт Тоқаев:

 

– Конституцияға енгізілген өзгерістер мен толықтырулар елдің саяси ахуалын кешенді түрде қайта пішімдеуге, билік тармақтары арасындағы тежеу ​​мен тепе-теңдіктің неғұрлым теңгерімді жүйесін құруға бағытталған. Біз суперпрезиденттік басқару түрінен түбегейлі бас тартамыз, Парламент пен мәслихаттардың өкілеттігін күшейтеміз.

 

Мемлекет басшысы басым бағыттардың бірі – партиялық-саяси саланы жаңғырту екенін қосты. Президенттің айтуынша, партиялық және сайлау заңнамасын либерализациялау биліктің барлық деңгейінде қабылданатын шешімдердегі қоғамның рөлін күшейтеді.

 

 Қазақстан Президенті Қасым-Жомарт Тоқаев:

 

– Дауыстар үшін бәсеке шиеленісе түседі, саяси процестің өзі динамикасы мен мазмұны өзгереді. Осыны ескере отырып, елімізде жаңа партиялар пайда болып, барлар өз қызметін азаматтардың талабына сай қайта қарап, қайта құруға кірісетіні сөзсіз. Тұтастай алғанда, партия алаңы қозғала бастады. Өзгерістердің басталғанының жарқын көрсеткіші – «Adal» партиясының «AMANAT» партиясымен бірігу бастамасы. Осы маңызды шешім үшін «Adal» партиясының басшылары мен мүшелеріне алғысымды білдіремін.