Саяси сахна

"Апат қазақстандық бауырларымызға зиян келтіргеніне өкінеміз" – Мирзиеев

  • "Апат қазақстандық бауырларымызға зиян келтіргеніне өкінеміз" – Мирзиеев

Өзбекстанның президенті Шавкат Мирзиеев селекторлық кеңес барысында су тасқынынан қазақстандық ауылдардың зардап шеккеніне өкініш білдірді, деп хабарлайды Stan.kz ақпарат агенттігі.

Бұл туралы Өзбекстан басшысының ресми порталында жазды.

 

Өкінішке қарай, Сардобадағы апат салдарынан көрші Қазақстан Республикасы Түркістан облысының Мақтаарал ауданындағы кейбір елді мекені су астында қалды, деп атап өтті Мирзиеев.

"Біз Қазақстан президенті, құрметті Қасым-Жомарт Тоқаевпен телефон арқылы сөйлесу барысында бұл мәселені өзара түсіністік пен ашықтық рухында талқыладық", - деді Өзбекстан басшысы.

Сондай-ақ, ол дүйсенбі күні Түркістан облысының әкімі Өмірзақ Шөкеев бастаған қазақстандық делегация оқиға орнына барып, жағдайды егжей-тегжейлі зерделегенін еске салды.

"Бұл күтпеген техногендік апат біздің халыққа ғана емес, көршілерімізге, біздің бауырларымызға, елді мекендерге және егістіктерге де зиян келтіргеніне өкінеміз" - деді Шавкат Мирзиеев.

Өзбекстан президенті үкімет, тиісті министрліктер мен ведомстволар, сондай-ақ қазақстандық серіктестер апаттың салдарымен күресте тығыз байланыста болатынын атап өтті.

Сонымен қатар, Мирзиеев қазақстандық тарапқа апаттардың салдарын жоюға көмек көрсетуге дайын екенін мәлімдеді.

"Бауырлас қазақ халқымен қатар өмір сүрдік, бір өзеннен су іштік, біз туыстар сияқты жақынбыз. Біз әрқашан иық тіресіп, жарқын күндерде де, сынақ кезеңдерінде де бір-бірімізді қолдадық", - деді ол.

 

 




Көрілген: 765    Пікірлер: 0

сәрсенбі, 06.05.2020, 10:31

Достарыңмен бөліс:

  • СОҢҒЫ ЖАРИЯЛАНЫМДАР:
    9 Қыркүйек, 00:59
    Праймериз деген не?

    Көп ашылған Көп пікір жазылған
    2020
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    қазан
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4
    5 6 7 8 9 10 11
    12 13 14 15 16 17 18
    19 20 21 22 23 24 25
    26 27 28 29 30 31