Саяси сахна

«Әр азаматқа лайықты өмір!»: Бауыржан Байбек сайлауалды бағдарлама барысымен Ақмола облысында болды

  • «Әр азаматқа лайықты өмір!»: Бауыржан Байбек сайлауалды бағдарлама барысымен Ақмола облысында болды

    «Әр азаматқа лайықты өмір!»: Бауыржан Байбек сайлауалды бағдарлама барысымен Ақмола облысында болды

Nur Otan партиясы Төрағасының бірінші орынбасары Бауыржан Байбек Елбасы, партия Лидері Нұрсұлтан Назарбаевтың тапсырмасы бойынша 216 өңірлік сайлауалды бағдарламаның іске асырылу барысымен танысу үшін аудандарды да қамти отырып, аймақтарды аралауға шықты. Партияның саяси кеңесінің кеңейтілген отырысы қарсаңында ол Ақмола облысында бірқатар кездесу өткізді.

Мемлекет басшысы Қасым-Жомарт Тоқаев жария еткен «Өзгерістер жолы: Әр азаматқа лайықты өмір!» сайлауалды бағдарламасы аясында 2025 жылға дейін өңірде өмір сапасын жақсарту бойынша міндеттер іске асырылады. Мәселен, 3,5 млн шаршы метр тұрғын үйді енгізу, 80 мың жұмыс орнын аша отырып, 245 жаңа және қолданыстағы кәсіпорындарды іске қосу және кеңейту, ауыл халқын, яғни жарты миллионға жуық тұрғынды 100% сапалы ауыз сумен қамтамасыз ету, 103 мектеп салу және жөндеу, сондай-ақ тағы басқа шараларды іске асыру жоспарланған.

«8 айдың қорытындысы бойынша 475 индикатордың 27%-ті орындалды. Мысалы, 379 мың шаршы метр тұрғын үй, 209 км сумен жабдықтау желісі, 111 км газ құбыры салынып, жөнделді. Жыл соңына дейін Көкшетауда 6 жаңа мектеп және № 1 мектеп-гимназияға іргелес 600 орындық жапсаржай пайдалануға енгізілетін болады. 14 мыңдай жаңа жұмыс орындары ашылды», - деп жазды Б.Байбек.

Бауыржан Байбек Ақмола облысының әкімі, филиал төрағасы Ермек Маржықпаевпен бірге Nur Otan-ның сайлауалды бағдарламасына сәйкес Бұланды ауданында салынып жатқан бірқатар кәсіпорында болды. Мәселен, Макинск құс фабрикасын жаңғырту кәсіпорынның өндірісін арттырып, өнімін экспорттауды ұлғайтуға, сондай-ақ қосымша 700-ден астам жаңа жұмыс орнын құруға мүмкіндік береді.

Содан кейін Макинск қаласында «Бота-2015» ЖШС-ның қуаттылығы тәулігіне 600 тонна шикізатты өңдейтін жаңа май зауытының құрылысымен танысты. Инвестиция көлемі 5 млрд теңгені құрап, 80 жаңа жұмыс орнын ашады.

«Жалпы, таяудағы 5 жылда Nur Otan партиясы аграрлық секторда 500 мың адамға дейін жұмыспен қамтамасыз ету жөнінде міндет қойып отыр. 2025 жылға қарай ауыл шаруашылығында жалпы өнім көлемін 1,3 есе, еңбек өнімділігін – 2,5 есе, ал экспортты өңделген өнімнің үлесін 70%-ке жеткізе отырып, 2 есе ұлғайтуды жоспарлауда. Бұл елді өзі өндірген негізгі азық-түлік тауарларымен қамтамасыз етеді», - деді ол.

Сондай-ақ, Көкшетауда Ақмола, Қостанай және Солтүстік Қазақстан облыстарында партияның сайлауалды міндеттерінің орындалуы бойынша онлайн-форматта кеңес өткізді.

«Оң нәтижелерге қарамастан, жекелеген сайлауалды уәделер бойынша жыл соңына дейін орындалмай қалу қаупі бар. Бұл 60% жағдайда жете қаржыландырмауға байланысты. Мәслихаттардағы фракцияларымыздың жетекші рөлін ескере отырып, 3 жылдық кезеңге арналған жергілікті бюджет жобаларын қарау кезінде аталған мәселелерге ерекше назар аударуды тапсырдым.

Сондай-ақ, жекелеген аудандар мен қалаларда жобалық құжаттаманың дайын болмауына, жер учаскелерінің, рұқсаттардың және т.б. болмауына байланысты орындалмай қалу қаупі бар. Осы мәселелердің барлығы нақты шаралар қабылдана отырып, партия жанындағы кеңестердің талқылауына шығарылады», - деді Б.Байбек.

sn.kz




Көрілген: 559    Пікірлер: 0

жұма, 24.09.2021, 00:26

Достарыңмен бөліс:





  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    қазан
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3
    4 5 6 7 8 9 10
    11 12 13 14 15 16 17
    18 19 20 21 22 23 24
    25 26 27 28 29 30 31