Саяси сахна

Ауғанстан мәселесі: ШЫҰ мемлекеттері министрлерінің Бірлескен мәлімдемесі қабылданды

  • https://www.gov.kz/

    https://www.gov.kz/

Қазақстан Республикасы Премьер-Министрінің орынбасары – Сыртқы істер министрі Мұхтар Тілеуберді Тәжікстан Республикасының төрағалығымен өткен Шанхай ынтымақтастық ұйымына мүше мемлекеттердің Сыртқы істер министрлері кеңесінің (ШЫҰ СІМК) кезекті отырысына қатысты деп хабарлайды СІМ баспасөз қызметі.

 

Отырыс алдында ШЫҰ елдерінің Сыртқы істер министрлерін Тәжікстан Республикасының Президенті Эмомали Рахмон қабылдады.

 

СІМК барысында ШЫҰ елдерінің сыртқы саяси ведомстволарының басшылары ұйымның 20 жыл ішіндегі қызметін қорытындылап, халықаралық және өңірлік күн тәртібіндегі ең өзекті мәселелерді талқылады. ШЫҰ қызметін одан әрі дамытудың бірінші кезектегі міндеттері және ұйымның басқа да көпжақты құрылымдармен өзара іс-қимыл жасау мәселелері қаралды.

 

 

Өз сөзінде Министр М.Тілеуберді ШЫҰ-ның халықаралық қауіпсіздік пен өңірлік ынтымақтастықты нығайтудағы рөлі мен маңызын атап өтті. «Ұйымның басқа мүшелерімен бірге Қазақстан ұйымның зор әлеуетін толыққанды іске асыруға өзінің тұрақты түрде лайықты үлесін қосуға ұмтылуда», - деді Қазақстан СІМ басшысы.

 

 

Үндістан, Қазақстан, Қытай, Қырғызстан, Пәкістан, Ресей, Тәжікстан және Өзбекстан Сыртқы істер министрлері 2021 жылғы қыркүйекте Душанбеде өтетін ШЫҰ-ға мүше мемлекеттер басшылары Кеңесінің отырысына дайындық барысын мақұлдап, сондай-ақ Душанбе декларациясы және мерейтойлық саммиттің басқа да қорытынды шешімдерінің жобаларын бекітті.

 

 

Отырыс қорытындысы бойынша ШЫҰ сыртқы істер министрлерінің ақпараттық хабарламасы қабылданды.

 

Сол күні Сыртқы істер министрлері деңгейінде «ШЫҰ – Ауғанстан» Байланыс тобының отырысы өтті, оның барысында қатысушылар АИР-дағы ағымдағы әскери-саяси жағдайды және ШЫҰ-ның Ауғанстанмен одан әрі ынтымақтастық мәселелерін талқылады. ШЫҰ Байланыс тобының Ауғанстанмен кездесу қорытындысы бойынша ШЫҰ мүше мемлекеттері сыртқы істер министрлерінің Бірлескен мәлімдемесі қабылданды.

 

 

Іс-шара аясында М.Тілеуберді Пәкістан Сыртқы істер министрі Махмуд Курешимен екіжақты келіссөздер жүргізді. Тараптар екіжақты ынтымақтастық пен өңірлік ынтымақтастықты нығайту мәселелерін талқылады.

 

 

 

 

 

 

 

 

 




Көрілген: 956    Пікірлер: 0

сәрсенбі, 14.07.2021, 17:32

Достарыңмен бөліс:





  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    қыркүйек
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5
    6 7 8 9 10 11 12
    13 14 15 16 17 18 19
    20 21 22 23 24 25 26
    27 28 29 30