Бұрынғы әділет министрі Марат Бекетаев жаңа қызметке тағайындалды

14 қаңтар 2022, 12:54

Бұрынғы әділет министрі Марат Бекетаев жаңа қызметке тағайындалды, деп хабарлайды Stan.kz ақпарат агенттігі.

Үкімет басшысы баспасөз қызметінің мәліметінше, Марат Бекетаев премьер-министр Әлихан Смайыловтың кеңесшісі болып тағайындалған.

Марат Бекетаев 2016 жылдан бастап Қазақстанның әділет министрлігін басқарған. Сондай-ақ әр жылдары сыртқы істер министрлігінде, мемлекеттік қызмет істері агенттігінде және Президент Әкімшілігінде жұмыс істеген.