Біздің тараптан адам шығыны өте көп – Зеленский

15 маусым 2022, 09:54

Владимир Зеленский «Донбаста кім басым түссе, Украинадағы соғыста сол жеңеді», деп мәлімдеді. Оның айтуынша, украин әскері Харковь облысы үшін болып жатқан шайқаста көп сарбазынан айырылған, деп хабарлайды «Хабар 24». 

 
Ресей күштері аталған аймаққа бақылау орнату үшін барын салуда. Бұдан басқа, елдің оңтүстігінде де қиян-кескі ұрыс жүріп жатыр. 

"Севередонецкі мен соның маңындағы басқа қалалар мен елді мекендерде қиян-кескі ұрыс жүріп жатыр. Өкінішке қарай, біздің тарапта адам шығыны өте көп. Бірақ беріспейміз. Бұл - біздің мемлекетіміз. Әсіресе Донбассты ұстап қалу өте маңызды", – деді Украина президенті Владимир Зеленский. 
Ресейдің Қорғаныс министрлігі дәлдігі жоғары «Калибр» зымырандарымен Украина әскерінің зеңбіректері мен оқ-дәрісін жойғанын хабарлады. Бұдан бөлек, бір ұшақ, бірнеше зымыран мен ондаған реактивті снаряд атып түсіріліген. 

"Соңғы бір тәулікте Ресей әуе күштері Славянск аспанында Украинаның «Миг-29» атқыш ұшағын және Снихуривкада «Ми-24» тікұшағын атып түсірді. Зеңбірек сақталған қойма талқандалды", – деді РФ Қорғаныс министрлігінің ресми өкілі Игорь Конашенков. 

azattyq-ruhy.kz