Саяси сахна

Дариға Назарбаева президент сайлауына қатыса ма?

  • © Sputnik / Владислав Воднев

    © Sputnik / Владислав Воднев

Сенат спикері Дариға Назарбаева Қазақстанның екінші президенті болуға кандидатурасын ұсынбайды, деп пікір білдірді саясаттанушы Оразғали Селтаев.


Сарапшының пайымдауынша, Nur Otan партиясы атынан үміткер Қасым-Жомарт Тоқаев болады, мемлекеттік аппарат оған қолдау көрсетеді.


Оразғали Селтаев Дариға Назарбаева президенттікке үміткер болуы мүмкін деген пікірдің еш негіз жоқ деп санайды, себебі жаңа билік құрылымына ауысу және бекіту процесінде оған басқадай рөл берілген.


"Назарбаева мемлекет басшысы болып сайланатын адамның мақсаты мен күтпеген әрекетін қадағалап, бақылауда ұстау үшін сенат төрағасы қызметіне келді", - деп жазды саясаттанушы Telegram-арнасында.


Оның ойынша, Дариға Назарбаева парламенттегі беделін арттыруға күш жұмсайды және парламенттік сайлаудан соң төменгі палатадағы депутаттық корпуста сенат төрағасының адамдары көбейеді.


"Орталық билік органдарынан гөрі парламенттің салмағы арта түседі. Ол үкімет және президент әкімшілігімен өзара іс-қимылда тең дәрежелі серіктес мәртебесіне жақындайды. Дариға Назарбаева жеке аппараттық және саяси ықпалын белсенді арттырады. Президент әкімшілігі іс жүзінде парламентке тікелей жетекшілік етпейді", - дейді саясаттанушы.


Қазақстанның тұңғыш президенті – Елбасы Нұрсұлтан Назарбаев 2019 жылдың 19 наурызында мемлекет басшысы өкілеттігін тоқтатты. 20 наурызда республика президенті сенат спикері Қасым-Жомарт Тоқаев болды. Тоғызыншы сәуірде Тоқаев кезектен тыс президент сайлауы биыл 9 маусымда өтетінін мәлімдеді.


 Sputnik




Көрілген: 766    Пікірлер: 0

сейсенбі, 09.04.2019, 16:43

Достарыңмен бөліс:

2
  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2019
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    тамыз
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4
    5 6 7 8 9 10 11
    12 13 14 15 16 17 18
    19 20 21 22 23 24 25
    26 27 28 29 30 31