Жұлдыз
Радиосы
Қазақстанда әкімнің орынбасарларының міндеттері қайта қаралатын болады
-
Қазақстанда әкімнің орынбасарларының міндеттері қайта қаралатын болады
Үкімет отырысында премьер-министр Асқар Мамин мемлекеттік және жергілікті атқарушы органдардың инвестиция тартуға жауапты орынбасарларының функциясына баса назар аударуы қажет екенін айтты, деп хабарлайды Stan.kz ақпарат агенттігі.
Сыртқы істер министрі Мұхтар Тілеуберді үкімет отырысында 2019 жылы инвесторлармен жұмыс жасау үшін облыстар мен республикалық маңызы бар қалалар әкімдерінің инвестицияларға жауап беретін арнайы орынбасарлары лауазымы енгізілгенін түсіндірді.
"Бұл шара өзінің тиімділігін көрсетті, бірақ бірнеше жылдар бойы әкімдердің арнайы орынбасарларының функционалдығы оларға нақтыланбаған міндеттер жүктеу арқылы бұлыңғыр болған. Бүгінгі таңда тек Нұр-Сұлтан, Ақмола, Солтүстік Қазақстан және Маңғыстау облыстарында әкімдердің арнайы орынбасарлары тек қана инвестициялар мәселелерімен айналысады. Басқа аймақтарда оларға басқа міндеттер жүктелген. Сондықтан мен аймақтар әкімдерінің орынбасарларының функционалдық міндеттерін қайта қарап, бастапқы деңгейге оралу қажет деп санаймын", - деді Тілеуберді.
Асқар Мамин бұл бастамаға қолдау білдіріп, бірқатар тапсырмалар берді.
"Жыл енді басталса да, министрліктер мен әкімдіктер жұмысты жандандырып, тиісті шаралар қабылдауы керек және белгіленген мақсаттар мен міндеттерді дәл орындауы тиіс", - деді премьер-министр.
Асқар Мамин мемлекеттік маңызы бар тұлғалардың қызметін айқындады.
"Мемлекеттік органдардың бірінші басшыларына, өңірлердің әкімдеріне және квазимемлекеттік сектордың басшыларына инвестиция тартуға жауапты орынбасарлардың осы маңызды функцияға баса назар аударуына ықпал етуді тапсырамын", - деді үкімет басшысы.
