Саяси сахна

Назарбаев Тоқаевпен не жөнінде келіскенін айтты

  • © Sputnik / Стрингер.

    © Sputnik / Стрингер.

Қазақстанның тұңғыш президенті Нұрсұлтан Назарбаев қауіпсіздік кеңесіне жоғары оқу орындарындағы парақорлық мәселесін зерделеуді тапсырды, деп хабарлайды Sputnik Қазақстан тілшісі.


Назарбаевтың айтуынша, бүгінде көптеген университетте студенттер емтихан тапсыру үшін пара беруге мәжбүр. Тіпті, жатақханадан орын бөлу кезінде де жастардан ақша сұрайтындар бар.


"Бұл жастардың наразылығын тудырады. Қауіпсіздік кеңесінің төрағасы ретінде кеңеске бірлескен топтармен осы мәселені зерделеп, қауіпсіздік кеңесінің талқылауына шығаруды тапсырамын. Қорытындысы бойынша шешім қабылдаймыз", - деді Елбасы Nur Otan партиясы саяси кеңесінің кеңейтілген отырысында.


Ол сыбайлас жемқорлықпен күрес жұмысына жастардың өзі белсене қатысуы керек екенін атап өтті.


"Ақшаға сатып алынған білімнің не пайдасы бар? Осыдан кейін қандай маман иесі шығады? Мәселен, Назарбаев университетін алайық. Ол жердегі студенттер пара дегенді атымен білмейді. 10 мың жас қазақстандық батыстың үздік жоғары оқу орындарында білім алып келді. Солардан сұраңдаршы, кімге пара беріпті? Көрдік қой кезінде, баласын оқуға жіберген кезде, ауылдан артынан соғым келеді. Түскен кезде тағы жібереді. Ай сайын жіберіп отырады. Әлі күнге дейін бәріміз сонымен жүріп келе жатырмыз", - деді Елбасы.



Осы орайда Назарбаев білім және ғылым министрі Асхат Аймағамбетовті орнынан тұрғызып, кеңес берді.


"Ректорлармен жұмыс істеу керек. Он жылдап отырған ректорлар бар. Сен соның бәрін қара. Қазір біз Қасым-Жомарт Кемелұлымен келістік. Енді ректорларды президент тағайындамайды. Үкіметке жүктеледі. Жұмыс істейтін, жаны ашитын, балаларға білім беретін адамдарды қалдыру керек. Олай жасамасаң, білім саласында ештеңе істей алмайсың. Сонда жастардың да қолдауы болады", - деді тұңғыш президент.


Айта кетейік, елордада Қазақстанның тұңғыш президенті Нұрсұлтан Назарбаев пен президент Қасым-Жомарт Тоқаевтың қатысумен Nur Otan партиясы саяси кеңесінің кеңейтілген отырысы өтіп жатыр.


Жиын барысында партияның сайлауалды бағдарламасы мен партияны қайта жүктеудің негізгі бағыттары талқылануда. Бұдан бөлек, саяси кеңес бюросына жаңа мүшелер қабылдау жоспарланып отыр.


 




Көрілген: 758    Пікірлер: 0

сәрсенбі, 21.08.2019, 13:29

Достарыңмен бөліс:

2
  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2019
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    қыркүйек
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1
    2 3 4 5 6 7 8
    9 10 11 12 13 14 15
    16 17 18 19 20 21 22
    23 24 25 26 27 28 29
    30