Үкіметтің қаулысымен Олжас Темірбекұлы Ордабаев Еңбек және халықты әлеуметтік қорғау вице-министрі болып тағайындалды. Бұл туралы премьер-министрдің баспасөз қызметі мәлімдеді, - деп хабарлайды Alashainasy.kz тілшісі Zakon.kz-ке сілтеме жасап.
Олжас Ордабаев 1989 жылы Алматыда дүниеге келген. Абылай хан атындағы Қазақ халықаралық қатынастар және әлем тілдері университетін, Cesar Ritz Colleges Switzerland, Манчестер Метрополитен университетін бітірген.
2007-2014 жылдар аралығында бірқатар қоғамдық ұйымдарды басқарды.
2014-2015 жылдары «Кәсіпқор» холдингі» КЕАҚ әлеуметтік әріптестік департаментінің бас менеджері қызметін атқарды.
2015-2018 жылдары «Атамекен» ҚР ҰКП директорының орынбасары, Адами капиталды дамыту департаментінің директоры, басқарушы директоры қызметтерін атқарған.
2018-2022 жылдары – «Атамекен» Ұлттық кәсіпкерлер палатасы басқарма Төрағасының орынбасары – басқарма мүшесі болған.
2022 жылдың наурыз айынан осы уақытқа дейін «Талап» коммерциялық емес акционерлік қоғамының президенті болып жұмыс істеді.