Саяси сахна

Перуашев мемлекеттің ақшасына шалқып өмір сүргісі келетін шенеуніктерге шүйлікті

  • © Sputnik / Абзал Калиев

    © Sputnik / Абзал Калиев

Мәжіліс депутаты Азат Перуашев бюджет қаражатын оңды-солды шашатын шенеуніктерге бизнеске баруға кеңес берді, деп хабарлайды Sputnik Қазақстан тілшісі.


"Ақ жол" фракциясының пікірінше, ұлттық қордағы қаражатты үздіксіз пайдалану мен бюджет шығысының кірістен ұдайы артық болуына экономикалық базаның артта қалуы себеп болып отыр.


"Сарапшылардың мәліметінше, Ұлттық қордың шығысы кірістен кезекті рет асып түсті, яғни бюджеттің қазіргі әкімшілері өздеріне емес, болашақ ұрпаққа тиесілі ақшаны жеп жатыр деген сөз", - деп ашуланды депутат.


Перуашевтың айтуынша, мұнымен бірге мемлекеттік қарыз мөлшері де ұлғайып барады.


"Мұнымен қоса, мемлекеттік және кепілдендірілген мемлекеттік борыштың едәуір өсіп жатқаны таңғалдырады. Осыдан-ақ, біздің мемлекеттік органдар мен ұлттық компаниялардың ақшаны оңды-солды шашып жатқанын байқауға болады, бұл әдет түбегейлі қайта қарауды қажет етеді", - деді ол.


Осы орайда мәжілісмен "Ақ жол" фракциясының араны ашылған шенеуіктердің мәселесін талай рет көтергенін еске салды. Оның ішінде мемлекет ақшасына зәулім үй, қымбат автокөлік, тіпті эбен ағашынан жасалған бағалы жиһаздарға дейін сатып алған жергілікті бастықтар бар.


"Осымен доғарарсыздар, мүмкін. Шалқып өмір сүргілеріңіз келсе, бизнеске барып, ақша табыңдар, ал мемлекеттік қызметкер халық ақшасының әр тиынын үнемдеуі қажет", - деп кеңес берді Перуашев.


 




Көрілген: 608    Пікірлер: 0

бейсенбі, 20.06.2019, 16:16

Достарыңмен бөліс:

2
  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2019
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    қазан
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5 6
    7 8 9 10 11 12 13
    14 15 16 17 18 19 20
    21 22 23 24 25 26 27
    28 29 30 31