Саяси сахна

Президент адамзаттың алғаш ғарышқа ұшуы жайлы: Теңдессіз тарихи қадам Қазақстанның қасиетті топырағында жасалды

  • Президент адамзаттың алғаш ғарышқа ұшуы жайлы: Теңдессіз тарихи қадам Қазақстанның қасиетті топырағында жасалды

    Президент адамзаттың алғаш ғарышқа ұшуы жайлы: Теңдессіз тарихи қадам Қазақстанның қасиетті топырағында жасалды

Бүгін «Байқоңыр» ғарыш айлағында Ю.Гагариннің ғарышқа алғашқы ұшуының 60 жылдығына арналған салтанатты мәжіліс өтті, деп хабарлайды Мемлекет басшысының баспасөз хатшысы Берік Уәли Facebook-тегі парақшасында.

Мемлекет басшысы Қасым-Жомарт Кемелұлы осы айтулы оқиғаға байланысты құттықтау жолдады. Президенттің құттықтау хатын Үкімет басшысы Асқар Мамин оқып берді. «Құрметті ғарыш саласы мамандары және ардагерлер! Сіздерді алда келе жатқан кәсіби мерекелеріңіз – Ғарышкерлер күнімен құттықтаймын!

60 жыл бұрын адамзат тарихында ерекше маңызы бар айтулы оқиға болды. Ғарыш кеңістігіне жанқиярлықпен түрен салынды. Кеңес ғарышкері Юрий Алексеевич Гагариннің көк жүзіне самғап, аспан әлеміне алғаш жол ашуы бүкіл әлемдік ғылымның айрықша серпінмен қарыштап дамуының жарқын көрсеткішіне айналды. Бұл теңдессіз тарихи қадам біздің елімізде, Қазақстанның қасиетті топырағында жасалды. 65 жылдан бері әлемдегі ең ірі ғарыш айлағы болып саналатын «Байқоңырдан» осы уақытқа дейін 150 ғарышкер көкке көтеріліп, ғаламның шексіз кеңістігін бағындырып қайтты. Олардың қатарында қазақ ғарышкерлері Тоқтар Әубәкіров, Талғат Мұсабаев және Айдын Айымбетов бар» делінген құттықтауда.

Одан бөлек, құттықтау мәтінінде Президент ғарыш саласының мамандары мен ардагерлеріне алғыс білдірген.

«Ғалымдар мен конструкторлардың, сынақшылар мен инженерлердің ерен еңбегісіз ғарышты игеру мүмкін емес. Осыған орай, ғарыш саласының мамандары мен ардагерлеріне шынайы ризашылығымды білдіремін. Сіздердің кәсіби біліктіліктеріңіз бен адал еңбектеріңіздің арқасында заманауи ғарыш саласы бүгінгі таңда лайықты дамып келеді.

Қазақстан мен Ресейдің белсенді әрі жемісті ынтымақтастығы ғарышты зерттеу және ғарышқа ұшу саласындағы бірлескен жобалар мен бағдарламаларды жүзеге асыруға мүмкіндік беретініне сенімім мол» деп жазған Мемлекет басшысы. Сөз соңында Қасым-Жомарт Тоқаев салтанатты жиынға қатысушыларға зор денсаулық, бақ-береке және жаңа табыстар тіледі.




Көрілген: 702    Пікірлер: 0

жұма, 09.04.2021, 21:58

Достарыңмен бөліс:



  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    мамыр
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2
    3 4 5 6 7 8 9
    10 11 12 13 14 15 16
    17 18 19 20 21 22 23
    24 25 26 27 28 29 30
    31