Президент Қалмұханбет Қасымовты қызметінен босатты

30 шілде 2021, 13:03

Қалмұханбет Нұрмұханбетұлы Қасымов Қазақстан Республикасы Мемлекеттік күзет қызметінің бастығы лауазымынан босатылды, деп хабарлайды Ақорда сайты.

"Мемлекет басшысының Жарлығымен Қалмұханбет Нұрмұханбетұлы Қасымов Қазақстан Республикасы Мемлекеттік күзет қызметінің бастығы лауазымынан босатылды", - делінген хабарламада.

 
Қалмұханбет Нұрмұханбетұлы Қасымов – 1957 жылдың 18 мамырында Алматы облысы, Іле ауданының Дмитриевка ауылында дүниеге келген.

11 сәуір 2011 жыл - 12 ақпан 2019 жыл Қазақстан Республикасының ішкі істер министрі. Полиция генерал-лейтенанты. 

12 ақпан 2019 жыл Қазақстан Республикасы президентінің көмекшісі.