Ресейлік депутат "соғыс" деген сөзі үшін Путиннің үстінен қылмыстық іс қозғауды сұрады

23 желтоқсан 2022, 12:43

Санкт-Петербургтің "Смольнинское" муниципалитетінің муниципалды депутаты Никита Юферев  Ресей армиясы туралы "жалған" ақпарат таратқаны үшін Ресей президенті Владимир Путиннің үстінен қылмыстық іс қозғауды талап етіп, Бас прокуратура мен ІІМ-ге жүгінді, деп хабарлайды Ulysmedia.kz.


Никита Юферев Владимир Путиннің 22 желтоқсанда Мәскеуде Кремль пулы үшін өткен баспасөз мәслихатында сөйлеген сөзін тексеруді сұрайды, президент сол сөзінде "соғыс" сөзін қолданған.

"Біздің мақсатымыз – бұл әскери қақтығыстың мәнін бұрмалау емес, керісінше, бұл соғысты аяқтау, біз соған ұмтыламыз", — деді ол.


Депутат соғыс туралы осындай сөздер үшін бірнеше мың адам сотталғанын еске салды.