Саяси сахна

Сенат президенттің өкілетін кеңейтті

  • Сенат президенттің өкілетін кеңейтті

    Сенат президенттің өкілетін кеңейтті

Сенат төтенше жағдай кезінде Қазақстан президентінің өкілеттігін кеңейтетін "төтенше жағдай мәселелері бойынша кейбір заңнамалық актілерге өзгерістер мен толықтырулар енгізу туралы" заң жобасын қабылдады, деп хабарлайды  Stan.kz ақпарат агенттігі.
Заң қабылданғаннан кейін билік төтенше жағдай кезінде жеңілдетілген тәртіппен шешім қабылдай алады деп күтіліп отыр.

"Заң жобасы Мемлекет басшысының 2020 жылғы 16 наурыздағы "әлеуметтік-экономикалық тұрақтылықты қамтамасыз ету жөніндегі шаралар туралы" жарлығын орындау үшін әзірленді. Заң жобасының мақсаты - әлеуметтік-экономикалық тұрақтылықты қамтамасыз ету үшін төтенше жағдай кезеңінде жедел шаралар қабылдау мүмкіндігі. Заң жобасы аясында төтенше жағдайлар кезінде мемлекеттік басқарудың жұмыс істеу механизмі анықталады", - деді ұлттық экономика министрі Руслан Дәленов.

"Төтенше жағдай туралы" және "құқықтық актілер туралы"заңдарға түзетулер енгізу жоспарланып отыр. "Төтенше жағдай туралы" заң төтенше жағдай кезеңінде заңнаманың жекелеген салаларының әрекет ету ерекшеліктерімен толықтырылады. Олар 14 бағытты қамтиды:

- салықтық, бюджеттік, кедендік, банктік, еңбек, монополияға қарсы заңнама;
- денсаулық, мемлекеттік сатып алу, валюталық реттеу туралы заңнама;
- әлеуметтік қорғау, мемлекеттік мүлік, мемлекеттік бақылау және қадағалау саласында;
- сондай-ақ елдің халықаралық міндеттемелерін іске асыру.

Төтенше жағдай кезінде қабылданған құқықтық актілер, Дәленоатың айтуынша, оның жарамдылық мерзімі аяқталғанға дейін қолданады. Ерекше жағдай әр түрлі мерзімге белгіленетін актілерге қатысты.

Сонымен қатар, заң жобасының ғылыми-экономикалық сараптамасының қортындысында: "Заң жобасын іске асыру президенттің төтенше жағдай кезіндегі қоғамдық қатынастарға жедел араласуын қамтамасыз етеді, бұл тұрақтылықты сақтауға және ұлттық, оның ішінде мемлекеттің экономикалық қауіпсіздігін қамтамасыз етуге бағытталған шұғыл шараларды талап етеді", - делінген.

Заң жобасын түсіндірген жазбада төтенше жағдай енгізілген және осыған байланысты әлеуметтік-экономикалық саладағы дағдарыс жағдайына байланысты туындаған кезеңде шұғыл шаралар қабылдау мақсатында Президентке заңнамада көзделген жекелеген қоғамдық қатынастарды реттеудің өзге де тәртібін белгілеу жөнінде өкілеттіктер беру ұсынылғаны хабарланды.

Президенттің актілері негізінде салық, бюджет, кеден, банк, еңбек, монополияға қарсы заңнама, халық денсаулығы және денсаулық сақтау жүйесі туралы заңнама, мемлекеттік сатып алу, валюталық реттеу, азаматтарды әлеуметтік қорғау, мемлекеттік мүлік, бәсекелестікті қорғау, мемлекеттік бақылау және қадағалау, елдің халықаралық міндеттемелерін іске асыру мәселелері бойынша заңнаманың қолданылу ерекшеліктері белгіленуі мүмкін. 




Көрілген: 425    Пікірлер: 0

бейсенбі, 14.05.2020, 12:15

Достарыңмен бөліс:

2
  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2020
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    мамыр
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3
    4 5 6 7 8 9 10
    11 12 13 14 15 16 17
    18 19 20 21 22 23 24
    25 26 27 28 29 30 31