Саяси сахна

Тоқаев Қытайдағы этникалық қазақтардың жағдайы туралы айтты

  • Тоқаев Қытайдағы этникалық қазақтардың жағдайы туралы айтты

    Тоқаев Қытайдағы этникалық қазақтардың жағдайы туралы айтты

Қасым-Жомарт Тоқаевтың сөзінше, Синьцзян аймағындағы этникалық қазақтарды түзеу лагерьлеріне жаппай орналастыру туралы ақпарат Қытай мен АҚШ арасындағы сауда соғысының бір бөлігі. Үкімет басшысы Қытай қазақтарына әдейілеп осындай жағдай жасалып жатқанын мәлімдеді, деп хабарлайды Stan.kz ақпарат агенттігі.


Ол туралы Deutsche Welle неміс арнасына берген сұхбатында белгілі болды.


Синьзяньда ислам дінін ұстанатын ұйғыр мен қазаққа көрсетіліп отырған қысымға байланысты Қытай басшылығымен келісім болды ма деген сұраққа президент аталған ақпарат тексерісті талап ететінін және бұл жағдай әдейі ушықтырылып отырғанын айтты.


Сондай-ақ, бұл жайт "геосаясаттың бір бөлігі", Қытай мен АҚШ сауда алаңында бір-бірімен мәмілеге келе алмағандығынан болды деді.


"Келісім қалай өтеді, Қытайға қарса санкция алынып тастала ма уақыт көрсетеді. Бірақ Қазақстан антиқытайлық фронт аймағына айналмауы керек", - деді президент.


"Саяси лагерьлер туралы таралып жатқан материалдар шындыққа жанаспайды деп ойлаймын. Біріншіден, Синьзцяньда Қытай азаматтары өмір сүреді. Қазақтар саяси, концентрациялық немесе тәрбиелеу лагерьлерінде қысым көріп жатыр деп хабар тарататын құқық қорғау ұйымдарына келер болсақ, аталған фактілерді алдын-ала тексеру керек. Қандай жағдай болмасын, бұл тақырып төңірегінде қазақтарға қатысты айтылып жатқан әңгімелердің барлығы әдейі әсіреленіп таратылуда", - деді Тоқаев Deutsche Welle-ге берген сұхбатында.


Сонымен қатар, Қытай мен Қазақстан бір-бірінің ішкі мәселесіне араласпайды деген Халықаралық келісім бар екенін де атап өтті.


"Саяси лагерьлер туралы таралып жатқан материалдар шындыққа жанаспайды деп ойлаймын. Қазақтардың бірен-сараны аталған қайта тәрбиелеу мектептерінде көрініп қалып жатқан болар. Бірақ халықаралық институттар мен ұйымдар қалыптастырып жатқан теденция, яғни қазақтарды күштеп лагерьге қамап жатыр деген ақпарат әрине шындыққа жанаспайды", - деді Тоқаев.


ҚР Президенті Қасым-Жомарт Тоқаев қыркүйекте мемлекеттік сапармен Қытайға барып қайтқан болатын. Си Цзиньпинмен, Қытай мемлекеттік кеңесінің премьері Ли Кэцянмен келіссөз жүргізіп қайтты.




Көрілген: 616    Пікірлер: 0

сәрсенбі, 04.12.2019, 18:41

Достарыңмен бөліс:

2
  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2020
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    қаңтар
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5
    6 7 8 9 10 11 12
    13 14 15 16 17 18 19
    20 21 22 23 24 25 26
    27 28 29 30 31