Тоқаевтың сынына ұшырап, министр лауазымынан айырылған Сапархан Омаров жаңа қызметке тағайындалды

03 тамыз 2021, 22:17

Ауыл шаруашылығы экс-министрі Сапархан Омаров "Азық-түлік келісім шарт корпорациясы" Ұлттық компаниясы" акционерлік қоғамының басқарма төрағасы қызметіне сайланды, деп хабарлайды Stan.kz ақпарат агенттігі.

“Сапархан Омаровтың Қазақстан Республикасының азық-түлік қауіпсіздігін қамтамасыз ету және астық саласын дамыту саласындағы көпжылдық нәтижелі қызметін, сондай-ақ астықты мемлекеттік сатып алу жүйесінде табысты тәжірибесін ескере отырып, Қазақстан Республикасы Ауыл шаруашылығы министрінің м. а. биылғы 28 шілдедегі № 227 бұйрығымен ҚР Үкіметінің келісіміне сәйкес, Омаров Сапархан Кесікбайұлы "Азық-түлік келісім-шарт корпорациясы "Ұлттық компаниясы" АҚ Басқарма Төрағасы лауазымына сайланды”, – делінген министрлік хабарламасында. 

 
Еске салсақ, бұған дейін мемлекет басшысы Қасым-Жомарт Тоқаев ауыл шаруашылығы министрі Сапархан Омаровты сынға алған еді. Президент сынынан кейін ол министр лауазымынан айырылды. Оның орнына Ербол Қарашөкеев министр міндетін атқарушы болып тағайындалды.