ҰҚК-ның Алматыдағы департаментіне жаңа басшы тағайындалды

13 қаңтар 2022, 12:20

Осыдан бес жыл бұрын Ирменов Алматыда ҰҚК департаменті басшысының орынбасары қызметін атқарған. Ұлттық қауіпсіздік комитетінің Алматыдағы департаментіне Марат Ирменов басшы болды, деп хабарлайды Sputnik Қазақстан ҰҚК баспасөз қызметіне сілтеме жасап.

Ирменов 2020 жылдан бастап Жамбыл облысы ҰҚКД басшысы қызметін атқарды, ал оның алдында 2016-2020 жылдары Ақтөбе облысы ҰҚКД басшысы болды.

2016 жылға дейін Алматы қаласы ҰҚКД бастығының орынбасары болған.

ҰҚК ресми сайтындағы ақпарат бойынша, Ирменов бұл қызметте Нұрлан Мажиловты алмастырды.