Денсаулық

Ақмола облысында сібір жарасына байланысты карантин жарияланды

  • © BAQ.KZ

    © BAQ.KZ

Ақмола облысының Аршалы ауданына қарасты Ольгинка ауылында «сібір жарасына» қатысты карантин жарияланды. Бұл туралы ҚР Ауыл шаруашылығы министрлігінен хабарлады.


Ведомстводан хабарлағандай, 16 тамызда аталмыш ауылдан алынған сынамалардың нәтижесінде алдын ала «сібір жарасы» диагнозы қойылып, 17 тамыздан бастап ауылда карантин жарияланды. Дегенмен, зерттеулер әлі де жалғасуда. Толық нәтиже 19-20 тамызда белгілі болуы тиіс.


Ақмола облысының Денсаулық сақтау басқармасының ақпараты бойынша, Ольгника ауылының 5 тұрғыны ауруханаға жатқызылған. Қазір сынамаларға зерттеу жүргізіліп жатыр. Науқастардың жағдайы тұрақты.


«16 тамызда Аршалы ауданының бас мемлекеттік ветеринариялық инспекторы Ольгинка ауылының әкіміне карантин енгізу туралы ұсыныс жолдады. Сенбі күні Ақмола облысы Аршалы ауданының аумағында сібір жарасы ауруларының ошақтарын жою бойынша штаб отырысы өтті. Құрамында 14 адам кіретін штаб ветеринарлық және санитарлық-эпидемиологиялық қызметтің, денсаулық сақтау басқармасының, жергілікті полиция қызметінің іс-қимыл жоспары қабылданды. Ольгинка ауылындағы малдар арасында «сібір жарасы» жоқ. Күн сайын жануарларды комиссиялық тексеру жүргізіледі», - делінген хабарламада.


Министрліктің мәліметі бойынша, Ольгинка ауылының барлық малы сәуір айында сібір жарасына қарсы егілген. «Ветеринариялық қағидаларды бекіту туралы» ҚР АШМ 2015 жылғы 29 маусымдағы №7-1/587 бұйрығымен бекітілген ветеринариялық-санитариялық қағидалардың 1 параграфының 145-22 тармағына сәйкес, Сібір жарасы бойынша карантин инфекция жойылғаннан және қорытынды дезинфекция жүргізілгеннен кейін 15 күнтізбелік күн өткеннен кейін алынады.


Шамамен қыркүйектің бірінші онкүндігінде карантин алынып, мал мен өнімді тасымалдауға рұқсат етіледі. Еске сала кетсек, Ольгинка ауылында1998 жылы аталмыш індет шыққан, ауылдан 15 шақырым жерде стационарлық мал қорым бар. Ол қоршалған, арнайы ескерту белгілері қойылған.


Айта кетейік, індетті қазақ адамда «түйнеме», ешкіде «кебенек», қойда «топалаң», жылқыда «жамандат», сиырда «қарасан», түйеде «ақшелек» деп атайды.


 




Көрілген: 481    Пікірлер: 0

дүйсенбі, 19.08.2019, 10:59

Достарыңмен бөліс:

2
  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2019
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    қараша
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3
    4 5 6 7 8 9 10
    11 12 13 14 15 16 17
    18 19 20 21 22 23 24
    25 26 27 28 29 30