Денсаулық

Алматылық келіншек дәрігерлердің босандырғаны үшін ақша дәмететін айтты

  • Көрнекі фото: www.tvc.ru

    Көрнекі фото: www.tvc.ru

Алматыдағы перзентханалардың бірінде екінші сәбиін дүниеге әкелген келіншек акушер-гинекологтардың ақшаға құнығып кеткенін жайып салды деп жазады KAZ.NUR.KZ.


Арайлымның (кейіпкердің қалауы бойынша есімі өзгертілді -ред) екінші жүктілігі сәтті өтіпті. Ол уақытылы дәрігерлерге қаралып, айы-күні жетіп, толғағы қысқанда перзентханаға барған.


Бірнеше сағат толғатқан соң аман-есен дүниеге сәбиін әкеледі. Бірақ дәрігерлердің қарым-қатынасы оған мүлде ұнамаған.


«Мен өз күшіммен босандым. Кейбіреулер секілді ақылы бөлімге жататын ақшам жоқ. Бірінші баламды өзім босанған соң, басқалар секілді перзентханадан адам тауып, алдын ала сыйлығын берген де жоқпын.

Бір Алла мен өз күшіме сеніп келдім, аман-есен сәбиімді бауырыма бастым. Дегенмен, дәрігерлердің қылығы көңілімді түсірді.


Әйелді аман-есен босандыру олардың міндеті ғой. Бірақ олар осы істерін бұлдап, ақша дәметумен болды», - дейді Арайлым.

Келіншек алдын-ала ақша бермесе де, босанған соң акушер, еден жуушы және дәрігерге азын-аулақ сыйлық ұстатқан.


Оның айтуынша, осылай сыйлық беру перзентханада айнымас дәстүрге айналған екен.


«Негізі, мен сыйлық беруге міндетті емеспін. Бірақ аман-есен жанымды алып қалған соң, оларға шын жүрегімнен бес мың теңгеден ұстаттым.

Үшеуіне теңдей бердім. Бірақ дәрігер өзіне еден жуушымен бірдей сыйлық бергенім үшін ашуланып, дәрежемді түсірдің деп ренжіді.


Менің таң қалғаным сонша, не айтарымды білмей қалдым. Өзім жаңа босанған соң, олармен дауласатын жағдайым болмады», - дейді келіншек.

Арайлым перзентхана дәрігерлерінің сұраншақ екенін де айтты.


«Перзентхана қызметкерлерінің барлығы сенен бірдеңе алғысы кеп тұрады. Кішкентай конфет болса да сұрап алады.

Үйіңе шығар кезде әрбір қағазды бергені үшін бірдеңе дәметіп тұрады. Олардың жұмысы, әрине, оңай емес. Бірақ олардың міндеті ғой.


Қазіргі кезде көп таныстарым босану үшін жүз мыңдап ақша төлеп қояды.


Әркім өз жаны үшін алаңдайды ғой. Дегенмен, тым артық кетпеу керек», - деп аяқтады ол әңгімесін. 




Көрілген: 1002    Пікірлер: 0

бейсенбі, 04.07.2019, 13:55

Достарыңмен бөліс:

2
  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2019
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    қазан
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5 6
    7 8 9 10 11 12 13
    14 15 16 17 18 19 20
    21 22 23 24 25 26 27
    28 29 30 31