Денсаулық

Дәрігерлер соқыр ішекті анықтай алмаған: Жас келіншек 4 айдан бері төсекке таңылды

  • Фото: Видеодан кадрлар/ 31 арна

    Фото: Видеодан кадрлар/ 31 арна

Шымкентте 22 жастағы Александра Песецкая төрт ай бойы ауруханада жатыр. Келіншектің сөзінше, ол дәрігерлер қателігінен төсекке таңылған. Нақтырақ айтқанда, ақ халаттылар әйелден соқыр ішекті анықтай алмай, ота жасаған. Содан бері ол адам танымастай өзгеріп кеткен деп хабарлайды 31 арнаға сілтеме жасаған KAZ.NUR.KZ.


Көзіне жас алған келіншек дәрігерлер өзінен соқыр ішек анықтай алмағанын, осы жағдайға ақ халаттылар қателігінен түскенін айтқан.


Александраның іш тұсындағы аурулары ақпанның ортасында байқалыпты.


"Ауруханаға бардым. Онда маған жай гинекологиялық тұрғыда суық тигенін айтты. Үшінші күні енеммен бірге барғанда тағы да солай қайталады", - дейді ол.

Осылайша, медицина қызметкерлері Александраға ем қабылдау қажеттігін айтып, дәрілер жазып берген.


Ауруханаға асқынған аурумен түспес бұрын әйелдің туыстары бірнеше рет жедел жәрдем шақырған екен.


"Жедел жәрдемді төрт рет шақырдық. Екі рет бір қыз келді. Екпе салды. Жағдайым кішкене жақсарғанымен, ауырып тұрды", - дейді Александра.


Келіншекті ауруханаға апару туралы шешімді тек төртінші бригада қабылдаған. Хирургтар науқасқа іріңді перитонит деген диагноз қойған. Қарапайым сөзбен айтқанда, Александраны гинекологиялық аурудан емдеп жатқанда соқыр ішек жарылып кеткен екен.


"Мұндай асқынулардың 90 пайызы өліммен аяқталады. Ол ғажайыптың күшімен аман қалды деуге болады" ,- дейді қалалық аурухананың бас дәрігері Ибрагим Ташев.


Бүгінде Александраның төсекке таңылғанына төрт ай болған. Үйде келіншекті бір жарым жасар баласы күтуде.


Дұрыс ем қабылдау үшін ол қазақстандықтарға видеоүндеу жолдап, көмек сұраған. Осылайша, келіншек туралы Шымкент қалалық денсаулық сақтау басқармасының басшысы білген екен.


"Бес адамнан комиссия құрылды. Тәжірибелі мамандар. Олар науқастың жедел жәрдем шақырғаннан бастап, қазіргі уақытқа дейінгі бағытын сараптайды", - дейді қалалық денсаулық сақтау басқармасының басшысы Асхан Байдувалиев.

Шенеуніктің айтуынша, денсаулық сақтау министрі Ержан Біртанов Александраның жағдайынан хабардар. Қазіргі уақытта оның Нұр-Сұлтанға ауыстыру мүмкіндігі қарастырылып жатыр. 




Көрілген: 574    Пікірлер: 0

сәрсенбі, 22.05.2019, 12:48

Достарыңмен бөліс:

2
  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2019
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    қыркүйек
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1
    2 3 4 5 6 7 8
    9 10 11 12 13 14 15
    16 17 18 19 20 21 22
    23 24 25 26 27 28 29
    30