Құрметті оқырмандар назарына! «Алаш айнасы» желілік-басылымы Ақпарат комитетінің 2023 жылғы 01 қарашадағы № 15 бұйрығы негізінде 2023 жылғы 30 қазаннан бастап бұқаралық ақпарат құралы ретінде өз қызметін тоқтатты.

К сведению уважаемых читателей! Сетевое издание «Алаш айнасы» на основании Приказа Комитета информации № 15 от «01» ноября 2023 года прекратил свою деятельность в качестве средства массовой информации с 30 октября 2023 года.

Елде сырқаттану деңгейі тұрақталып келеді – Цой

30 шілде 2020, 18:59

  Бұл туралы бүгін ҚР Президенті жанындағы Орталық коммуникациялар қызметі алаңында өткен онлайн брифинг барысында ҚР Денсаулық сақтау министрі Алексей Цой мәлімдеді.
Еліміздегі эпидемиологиялық жағдайға тоқтала кетсем, бүгінде 87 664 адам вирус жұқтырған. Оның ішінде соңғы тәулікте 1472 жаңа жағдай тіркелді. Жалпы, сырқаттану деңгейі тұрақталып келеді. Қазір тәулігіне 1500-1600 адамнан вирус анықталуда. Нұр-Сұлтан қаласы бойынша жедел жәрдем көлігін шақырту көлемі 2,3 есеге азайды (22-30 шілде аралығында). Сондай-ақ, коронавирус инфекциясына қатысты сауалдармен хабарласатындар саны тәулігіне 500-ден 86-ға азайды. Стационарлардағы салмақ 99%-дан 35,7%-ға төмендеді. Мысалы, Шымкент қаласында жедел жәрдем көлігін шақырту көлемі 43%-ға азайса, стационарлардағы мүгедек науқастар саны 56,9%-ға төмендеген. Қазақстан бойынша провизорлық стационарлар жабылып, күнделікті жұмыс режиміне қайта келіп жатыр. Бірақ, олар әлі де резервте қала бермек, - деді ол.
Министр Мемлекет басшысы коронавирус инфекциясы салдарынан болған сырқаттанушылық пен өлім-жітім көрсеткіші деңгейін төмендетудің маңыздылығын баса айтқанына тоқталды.

Президенттің тапсырмасына сай, елдегі жағдайды тұрақтандыруды әрі қарай жалғастыру мақсатында бүгін мемлекеттік комиссияның отырысы барысында шектеу шараларын тағы екі аптаға созу жөнінде шешім қабылданды. Осы қосымша карантин кезеңінде шектеу шараларын жеңілдетуге қатысты күшейтілген дайындық жұмыстары жүргізілмек. Жалпы қолданыстағы инфрақұрылымдық нысандар қауіпсіздік функциясына сай жағдайға келтірілуі керек. Елдегі жағдайды тұрақтандыру жұмыстары экономиканың барлық секторын қамту және біріге күш жұмсау нәтижесінде ғана жүзеге асады, - деді ол.

BAQ.KZ.