Құрметті оқырмандар назарына! «Алаш айнасы» желілік-басылымы Ақпарат комитетінің 2023 жылғы 01 қарашадағы № 15 бұйрығы негізінде 2023 жылғы 30 қазаннан бастап бұқаралық ақпарат құралы ретінде өз қызметін тоқтатты.

К сведению уважаемых читателей! Сетевое издание «Алаш айнасы» на основании Приказа Комитета информации № 15 от «01» ноября 2023 года прекратил свою деятельность в качестве средства массовой информации с 30 октября 2023 года.

Еліміздегі жүкті әйелдердің көбі темір тапшылығынан зардап шегеді

27 шілде 2022, 20:38

Ағзадағы темір тапшылығы немесе темір тапшылығы анемиясы – ағзадағы темір деңгейінің төмендеуімен сипатталатын, қандағы эритроциттер мен гемоглобин концентрациясының төмендеуіне әкелетін патологиялық жағдай. 
 
Бұл туралы Әйелдер істері және отбасылық-демографиялық саясат жөніндегі ұлттық комиссия өзінің Facebook парақшасында мәлімдейді.

 Дүниежүзілік денсаулық сақтау ұйымының мәліметі бойынша әлемде 2 миллиардтан астам адам темір тапшылығынан зардап шегеді.

Ең жиі кездесетін себептер - теңгерімсіз тамақтану, темірді сіңіру қабілетінің төмендеуі және тұрақты қан жоғалту.

Негізгі тәуекел тобын вегетарианшылар, қатаң диетадағы адамдар, сондай-ақ қарт кісілер құрайды. Оларда ішектің темірді сіңіру қабілеті төмен келеді.

Темір тапшылығы анемиясы диагнозы көбінесе балаларға, жасөспірімдерге және жүкті әйелдерге қойылады, өйткені олардың күнделікті темірге деген қажеттілігі жалпы халыққа қарағанда жоғары.

Қазақстанда жүкті әйелдердің 27 %-да темір тапшылығы байқалады. Бұл мәліметтерді Денсаулық сақтау министрлігі 2020 жыл бойынша жариялаған. Айта кету керек, ауытқуларға қарамастан, орташа алғанда бұл үлес уақыт өте келе төмендейді. Мысалы, 2007-2011 жылдар аралығында анемия диагнозы қойылған жүкті әйелдердің үлесі 37,8-ден 41,7%-ға дейін болды.

BAQ.KZ