Денсаулық

Қарағандыда COVID-19 өршіді: ауруханаларда төсек-орын саны көбейтіледі

  • Қарағандыда COVID-19 өршіді: ауруханаларда төсек-орын саны көбейтіледі

    Қарағандыда COVID-19 өршіді: ауруханаларда төсек-орын саны көбейтіледі

  • Қарағандыда COVID-19 өршіді: ауруханаларда төсек-орын саны көбейтіледі

    Қарағандыда COVID-19 өршіді: ауруханаларда төсек-орын саны көбейтіледі

Санитар дәрігерлер Қарағанды мен Теміртауда британдық, оңтүстікафрикалық және бразилиялық штамдарға тән коронавирус мутациясы анықталды деп болжап отыр

Коронавирус жұқтырғандардың көбеюіне байланысты Қарағандының инфекциялық стационарларындағы жатын орын саны артады, деп мәлімдеді денсаулық сақтау басқармасының басшысы Гамаль Тоқсамбаев.

Соңғы күндері өңірде ауру белең алып барады. Мұнда бір тәулікте 95 адам вирус жұқтырған. Оған наурыз айындағы мейрамдар әсер етті, деп түсіндірді басқармадағылар.

"Карантин шаралары күшейтілгеніне қарамастан адамдар кездесіп, бас қосқан. Соның салдарынан ауру жұқтырғандар саны артты. Бұл жатын орын санына да әсер етіп отыр. Біз коронавирус жұқтырғандарға арналған қосымша орындар дайындау туралы шешім қабылдадық. Резервте болған 2 мың жатын орынды біртіндеп іске қоса бастаймыз", - деді Тоқсамбаев.
Ол қазіргі уақытта 700 жатын орын дайын екенін айтты. Келесі аптаға дейін тағы 400 орын пайдалануға беріледі.

Ведомство басшысы инфекциялық стационарларда дәрі-дәрмек тапшылығы жоқ екенін мәлімдеді.

"КВИ-дің алғашқы толқынындағы кемшіліктер мен тәжірибені ескере отырып, денсаулық сақтау жүйесінің жұмысын күшейттік", - деді Тоқсамбаев.

Қарағанды облысының бас санитар дәрігері Юрий Залыгин өңірде британдық, оңтүстікафрикалық және бразилиялық штамдарға тән коронавирустың ықтимал мутациясы анықталғанын айтты.

"Мутацияның бар-жоғы және оның аталған штамдарға жататын-жатпайтыны бір айдың ішінде расталады. Облыс бойынша ауру жұқтырғандардың басым бөлігі Қарағанды мен Теміртауда тіркеліп отыр. Облыс орталығы болғандықтан Қарағанды үлесіне 50% тиесілі", - деді Залыгин.

Қазіргі уақытта коронавирустың таралу қарқыны бойынша бұл облыс "сары" аймаққа енген.

"Эпидемиялогиялық жағдай қалай өрбитінін білмейміз. Ол ауру жұқтырғандар санына байланысты болады. Осы тұста шектеу шараларын енгізу санитар дәрігерлердің қолында емес екенін айтқым келеді. Егер облыс "қызыл" аймаққа өтсе, онда аурудың таралуына жол бермеу үшін шаралар қабылдауға мәжбүр боламыз", - деді облыстың бас санитар дәрігері.

sputnik.kz




Көрілген: 900    Пікірлер: 0

жұма, 02.04.2021, 23:05

Достарыңмен бөліс:



  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    мамыр
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2
    3 4 5 6 7 8 9
    10 11 12 13 14 15 16
    17 18 19 20 21 22 23
    24 25 26 27 28 29 30
    31