Денсаулық

Қатерлі ісікті жеңген балалар Қазақстанның атынан Мәскеудегі «Жеңімпаздар ойынына» қатыспақ

  • Қатерлі ісікті жеңген балалар Қазақстанның атынан Мәскеудегі «Жеңімпаздар ойынына» қатыспақ

    Қатерлі ісікті жеңген балалар Қазақстанның атынан Мәскеудегі «Жеңімпаздар ойынына» қатыспақ

Қазақстандағы балалар онкологиясы - ауқымды мәселе. Статистикаға сүйенсек, жыл сайын 600-ге жуық балаға қорқынышты диагноз қойылады.


Емдеу ұзақ уақытты алады - химиотерапияның негізгі курсы екі жылға созылады, және тіпті ересек емделушілерге де қиын өтеді. Көбінесе, ауырған кезінде бала айналасында отбасы мен медицина қызметкерінен басқа ешкімді көрмейді және оларға қалыпты өмірге, құрдастарына, мектепке және белсенді сабаққа оралу өте қиын болуы мүмкін. Сондықтан қатерлі ісік ауруынан аман қалған балаларға ауруханаларынан тыс күнделікті өмірге бейімделу балалардың өздеріне де, ата-аналарына да аса қажет.


Осындай ауқымды мақсатпен қызы Владислава жеті жыл бұрын қанның онкологиялық ауруынан емделіп шыққан Елена Дзвоник "Дүниежүзілік жеңімпаздар ойындары" байқауына қатысу үшін команда құруға шешім қабылдады. Осы жылы Ресей, Германия, Үндістан, Белоруссия, Латвия, Венгрия және басқа елдерден 560 бала қатысатын Ойындарға қатысу сапарын қаржыландыруға Қазақстандағы ұлттық лотерея операторы "Сәтті Жұлдыз" көмектесуге шешім қабылдады. Көптеген елдерде лотерея операторларына осындай іс-шараларды қолдау дәстүрге айналған.



Жеңімпаздар ойыны Мәскеуде он жыл бойы өткізіліп келген, Чулпан Хаматова мен Дина Корзунның "Подари жизнь" көмек қорының жобасы болып табылады. 3-8 шілдеде балалар тек жүгіру, ату жарыстарына, үстел теннисіне қатысып қана қоймай, сонымен бірге спорт, кино және музыка жұлдыздарымен кездеседі, концерттер мен экскурсияларға қатысады. Ұйымдастырушылардың айтуынша, Жеңімпаздар ойынының барлық түрлері дене шынықтыру жағынан дайындығы әр түрлі деңгейдегі қатысушылар үшін қолжетімді, олардың мақсаты - белсенді өмір салты барлық адамдар үшін пайдалы және қолжетімді екендігін көрсету.



Өткен жылы Елена Дзвоник Владаны Ойындарға ешқандай қолдаусыз және жеке түрде қатысуына қол жеткізген. Осылайша, супер-ана 2019 жылы мерейтойлық Ойындарда Қазақстанды таныстыратын өз командасын ұйымдастыру идеясымен шабытталды. «Бұл ойындарда біздің балалар ең алдымен өз-өздеріне аурудың олардың өмірлерін айқындамайтынын дәлелдейді, өз қорқыныштарын және сенімсіздіктерін жеңеді. Сонымен қатар, Ойындар балаларға ата-аналарынан «ажыратып алу» үшін өте маңызды - балалар онкологиясын жеңіп шыққан отбасылардағы аса тым қамқорлық көрсету өте жиі кездесетін құбылыс, ал кейде бала бірнеше жылдар бойы өмір сүрген вакуумды бұзу керек», - дейді Елена Дзвоник.



Елена тап болған алғашқы қиындық - жеңімпаздар ойындарына қатысуды қажет ететін балаларды табу. Қазақстанда онкологиямен ауырған адамдардың бірыңғай тізімі жоқ, сондықтан командадағы 20 ықтимал орынның тек 17-і ғана иеленген. Болашақта Елена Ойындарды қатерлі ісік ауруын жеңген балалардың өміріндегі міндетті қуанышты оқиға жасамақ. «Ойындар туралы естелік жылдар бойы балалардың есінде қалады. Олар жаңа достар табады, өзіндерін-өзі жоғары бағалай бастап, оқшаулану сезімі жоғалады. Әрине, сапарға көп ақша қажет. Мен бірнеше рет үкіметтік ұйымдар мен қорларға өтініш білдірдім, бірақ тек «Сәтті Жұлдыздың» басшысы Александр Тенмен байланыса алғанда ғана жолым болды. Ол біздің жобамызға қызығушылық танытып, бізге көмектесті. «Сәтті Жұлдыз», «Lotomatic» және «LotoClub»-тың арқасында біз Жеңімпаздар ойынына ұшып барамыз, осы үшін біздің алғысымыз шексіз», - дейді Елена.

Қатерлі ісік ауруын жеңген балаларға қолдау көрсету үшін Нұр-Сұлтанда Бірінші республикалық жеңімпаздар ойыны өтті. Алты спорт түрі бойынша спорттық сайыстар "Алау" мұз сарайында өткізіліп, 106 бүлдіршін қатысушыларды жинады.



 




Көрілген: 429    Пікірлер: 0

жұма, 21.06.2019, 15:39

Достарыңмен бөліс:

2
  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2019
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    қараша
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3
    4 5 6 7 8 9 10
    11 12 13 14 15 16 17
    18 19 20 21 22 23 24
    25 26 27 28 29 30