Денсаулық

Қазақстанда ковидке қарсы дәрі жасалуы мүмкін: депутат үкіметке хат жолдады

  • Қазақстанда ковидке қарсы дәрі жасалуы мүмкін: депутат үкіметке хат жолдады

    Қазақстанда ковидке қарсы дәрі жасалуы мүмкін: депутат үкіметке хат жолдады

Қазақстанда өсетін емдік шөптердің бәрін фармацевтикалық өндірісте пайдалануға болады, дейді Нөкетаева

Сенатор Динар Нөкетаева үкімет басшысына депутаттық сауал жолдап, жусаннан коронавирусқа қарсы дәрі жасауға арналған зерттеулерді қолдауды сұрады, деп хабарлайды Sputnik Қазақстан тілшісі.

"Бүгінде коронавирусқа қарсы вакцина бар. Алайда әлем бойынша екпе алғандардың арасында вирус жұқтыру жағдайлары тіркеліп жатыр. Сол себепті ғалымдар коронавирустың арнайы дәрісін іздеуге кірісті. Өсімдіктердің емдеу қасиетін фармацевтикалық препарат ретінде пайдалану тәжірибесі де қарастырылып отыр", - деді Нөкетаева сенаттың жалпы отырысында.

Оның айтуынша, қазіргі кезде коронавирустан болатын өлім-жітімді азайту мақсатында "Артесунат" препаратын қолдану мәселесін зерделеніп жатыр. Бұл – безгекке қарсы дәрі. Оны жусаннан жасайды.

"Қазақстанда осы бағытты дамытуға мүмкіндік бар. Бізде емдік шөптердің түр-түрі өседі. Соның бәрін фармацевтикалық өндірісте пайдалануға болады. Мәселен оңтүстік өңір Дармина жусанының табиғи аймағы болып саналады. Оның құрамында "дарминол" атты эфир майының көп мөлшері бар. Бұл зат стафилококк, стрептококк және тағы басқа бактериялар мен вирустарға қарсы, тіпті, қабынуға қарсы күшті әсері бар", - деп атап өтті Нөкетаева.

Осы орайда сенатор Қазақ КСР кезіндегі ғалымдардың еңбегін еске алды. 80-жылдары олар жусаннан жасалатын сантонин дәрісінің тұмауға қарсы тиімді екенін дәлелдеген.

"Қазіргі кезде ғалымдар дәл осы дәріге ковидке қарсы препарат ретінде үлкен қызығушылық танытып отыр. Сол себепті жусанның сығындысы COVID-19-ға қалай әсер ететінін өзімізде зерттеу керек. Бүгінде осы бағытта Сокольский атындағы отын, катализ бен электрохимия институтының ғалымдары өсімдік шикізатынан СOVID-19 және негізгі инфекцияларға қарсы жоғары тиімді дәріні жасауға арналған ғылыми бағдарламаны іске асырып жатыр. Сондықтан коронавирусқа қарсы тиімді дәрінің Қазақстанда табылатынын жоққа шығармаумыз қажет", - дейді Нөкетаева.

Сенаторлар ғылымға бөлініп жатқан қаржы аясында өсімдік шикізатынан дәрі жасау бастамаларына қолдау көрсетуді сұрады.




Көрілген: 472    Пікірлер: 0

бейсенбі, 14.10.2021, 13:08

Достарыңмен бөліс:





  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    қазан
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3
    4 5 6 7 8 9 10
    11 12 13 14 15 16 17
    18 19 20 21 22 23 24
    25 26 27 28 29 30 31