Денсаулық

Коронавирус: "ҚазМұнайГаздың" екі қызметкері вирус жұқтырды деген күдікке ілінді

  • https://kazakh-tv.kz/

    https://kazakh-tv.kz/

Компания орталық аппаратының екі қызметкері коронавирустық инфекцияны жұктыруы мүмкін деген ақпаратқа қатысты түсініктеме берді.

 

"ҚазМұнайГаз" ҰК АҚ-ның коронавирустық инфекцияның таралуын алдын алу бойынша қабылдап жатқан шаралары туралы "ҚазМұнайГаз" ҰК АҚ (бұдан әрі – ҚМГ, Компания) елдегі төтенше жағдай тәртібін ескере отырып және өз қызметкерлері мен барлық мүдделі тараптары алдындағы жауапкершілігін терең түсініп, сондай-ақ ашықтық пен айқындық қағидаттарын басшылыққа алып, Компанияда коронавирустық инфекцияның таралуына жол бермеу бойынша шаралар кешенін қабылдағаны туралы хабарлайды.

 

Бірінші кезекте жұртшылыққа Компанияның орталық аппаратының екі қызметкері коронавирустық инфекцияны жұктыруы мүмкін деген күдік болғанын хабарлауды жөн көрдік. Қызметкерлердің біреуі Франкфурттен Нұр-Сұлтан қаласына келген рейсте коронавирустық инфекцияны жұқтырған науқаспен бірге бір ұшақта болды. Екінші қызметкер Нұр-Сұлтан қаласынан Алматы қаласына дейін осы ұшақпен ұшып барған болатын. Қызметкерлер алгоритмге сәйкес COVID-19 бар-жоқтығын анықтау үшін тест тапсырды, оның нәтижелері теріс болып шықты, - делінген таратылған ақпаратта.

 

"Қазақстан Республикасында коронавирустық инфекцияның таралуына жол бермеу бойынша қосымша шаралар енгізу туралы" Бас мемлекеттік санитарлық дәрігер Жандарбек Бекшиннің қаулысына сәйкес аталған қызметкерлер "ықтимал байланыс" санатына жатқызылды. Қазіргі уақытта олар үйдегі карантинге орналастырылды.

 

Сонымен бірге, ҚМГ компаниялары тобы қызметкерлерінің қауіпсіздігін барынша қамтамасыз ету бойынша ауқымды шаралар қабылданып жатқанын айтты.

 

Атап айтқанда:

 

- офистік және өндірістік ғимараттарда дезинфекция жұмыстары жүргізілуде. Қызметкерлер арасында жеке гигиенаны сақтау шаралары туралы түсіндіру жұмыстары өткізілуде;

 

- ҚМГ компаниялары тобы бойынша қызметкерлердің Қазақстан аумағында, сондай-ақ шетелге іссапарлардың барлығына тыйым салынды;

 

- барлық көпшілік іс-шаралар тоқтатылды;

 

- өндірісте адамдар көп жиналатын жерлерде дезинфекция жүргізу, сондай-ақ қызметкерлердің дене қызуын өлшеу бойынша барлық қажетті шара қабылдануда;

 

- әкімшілік қызметкерлердің кемінде 50%-ы қашықтықтан жұмыс істеу тәртібіне ауысуда;

 

- орталық аппарат пен барлық еншілес ұйымдарда арнайы жедел штабтар құрылды.

 

ҚМГ үшін қызметкерлердің қауіпсіздігі және үздіксіз өндірістік қызметті қамтамасыз ету ерекше басымдыққа ие екенін атап өтеміз. 2020 жылғы 16 наурыздағы жағдай бойынша коронавирустық инфекцияға шалдыққан қызметкерлер анықталмады. ҚМГ-ның барлық кәсіпорындары қалыпты жағдайда жұмыс істеп тұр, - деп атап өтті компанияның баспасөз қызметі.

 

baq.kz




Көрілген: 141    Пікірлер: 0

дүйсенбі, 16.03.2020, 22:24

Достарыңмен бөліс:

2
  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2020
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    наурыз
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1
    2 3 4 5 6 7 8
    9 10 11 12 13 14 15
    16 17 18 19 20 21 22
    23 24 25 26 27 28 29
    30 31