Коронавирустың жаңа штамы пайда болуы мүмкін бе - ДДСҰ басшысы жауап берді

19 қаңтар 2022, 11:00

Дүниежүзілік денсаулық сақтау ұйымының басшысы Тедрос Адхан Гебрейесус коронавирустың жаңа штамдарының пайда болу мүмкіндігіне баға берді, деп хабарлайды Stan.kz ақпарат агенттігі Lenta.ru басылымына сілтеме жасап.

Женевада өткен брифингте Гебрейесус пандемияның әлі аяқталмағанын мәлімдеді. Сонымен қатар ол "омикронның" әлемде таралуына байланысты жаңа штамдардың пайда болу қауіпі бар екенін айтты. Сондықтан қазіргі уақытта жағдайды бақылау және бағалау аса маңызды.

Брифинг барысында ДДСҰ басшысы COVID-19-ға қарсы вакцинаны тарату моделін өзгертуді ұсынды. Бұлай болмаған жағдайда адамзат вакцина теңсіздігінің екінші кезеңіне аяқ басуы мүмкін екенін қосып өтті. 

Бұған дейін медицина ғылымдарының докторы Николай Крючков коронавирустың "омикрон" штамынан қарттар мен үш жасқа дейінгі балалардың жиі көз жұмуы ықтимал екенін айтқан.