Қосымша вакцина кімдерге салынуы мүмкін

12 қазан 2021, 09:05

Дүниежүзілік денсаулық сақтау ұйымының вакцина бойынша сарапшылары иммундық жүйесі әлсіреген адамдарға COVID-19-ға қарсы қосымша екпе салуға кеңес берді, деп хабарлайды Stan.kz ақпарат агенттігі The Straits Times басылымына сілтеме жасап.

"Иммундау бойынша стратегиялық консультативті мамандар тобы иммундық жүйесі әлсіреген адамдарға COVID-19-ға қарсы қосымша екпе салуға кеңес береді. Бұл адамдарға вакцинаның екі дозасы аздық етуі мүмкін және COVID-19-дың ауыр сырқатын жұқтыру қауіпі жоғары", -делінген хабарламада. 

 
Сонымен қатар қосымша, үшінші дозаны 60 жастан асқан және қытайлық Sinovac және Sinopharm вакцинасын алғандарға салу керектігін айтады. Мамандар қосымша вакцинаны жалпыға бірдей салуға кеңес бермейтінін де қосып өтті. 

Бұған дейін Дәрілік препараттар бойынша еуропалық агенттік иммундық жүйесі әлсіреген адамдарға Comirnaty  (BioNTech / Pfizer) және Spikevax (бұрынғы атауы Moderna) вакциналарының қосымша дозасын салуға кеңес берген болатын