Денсаулық

Министр Біртанов Семейден келген қыздың мәселесін шешіп беруге уәде етті

  • © Sputnik / Евгений Одиноков

    © Sputnik / Евгений Одиноков

Денсаулық сақтау министрі Елжан Біртановтың есеп беру кездесуі кезінде Семейден келген қыз арнайы дәріні жеткізу мәселесі бойынша арызданды, деп хабарлайды Sputnik Қазақстантілшісі.


"Менің ағам эпилепсияның ауыр түріне шалдыққан. Ауруы ұстап қалғанда "Реланиум" деген дәрі ғана көмектеседі. Бұрын осы препаратты тегін беріп тұратын. Ал оны сатып алуға мүмкіндік жоқ. Қазір ол дәріні бермей қойды", - деді Семейдің тұрғыны.


Министр Біртанов "СК-Фармация" ЖШС басшысын тұрғызып, жауап беруды сұрады. Компанияның басқарма төрағасының міндетін атқарушы Берік Шәріптің айтуынша, бұрын "Реланиум" сияқты препараттарды өңірлерге жеткізу жағынан қиындық болмайтын. Осы жолы тендерден "Сибазон" деген дәрі өтті. Бірақ оны сақтаудың арнайы температуралық режимі бар.


"Аталған дәріні 2-8 градуста сақтау қажет. Оны арнайы термоконтейнермен ғана тасымалдауға болады. Негізі, тауар бар. Бәрі қоймада жатыр. Бір жарым-екі айдай уақыт қажет. Тасымалдау мәселесін шешкен бойда Семейге де жеткіземіз", - дейді Шәріп.


Осы кезде министр Біртановтың өзі тасымалдауға жеңіл болған бұрынғы препараттың арнайы температуралық режимде сақталатын жаңа дәріге алмастырылғанына таңғалды.


"Мен түсінбедім, бұрынғы жүйені не үшін қиындатып отырсыздар? Бұл иммунды, я болмаса, биологиялық препарат емес, кәдімгі "Диазепам" ғой. Білуімше, "Сибазон" да, "Реланиум" да "Диазепам"-ға жатады. Сіздер техникалық талаптарға арнайы температуралық режиммен тасымалдауды енгізіп қойған шығарсыздар. Бұрын ондай болған жоқ. Түсінбеймін, жоқ жерден проблема жасап отырсыздар", - деді Біртанов.


Осыдан кейін министр өзінің орынбасары Қамалжан Надыровқа, сондай-ақ, құзіретті комитеттің басшысына бір айдың ішінде тиісті нормативтік актілерді жасап, аталған проблеманы шешуді тапсырды.


 




Көрілген: 497    Пікірлер: 0

сейсенбі, 18.06.2019, 23:28

Достарыңмен бөліс:

2
  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2019
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    қараша
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3
    4 5 6 7 8 9 10
    11 12 13 14 15 16 17
    18 19 20 21 22 23 24
    25 26 27 28 29 30