Денсаулық

Талғарда науқастың туысы хирургті соққыға жықты

  • https://asia-times.org/

    https://asia-times.org/

Талғар аудандық орталық ауруханасы науқастың туыстарынан соққы жеген хирург оқиғасының мән-жайын айтып берді - деп хабарлайды Tengrinews.kz тілшісі.

 

Медициналық мекеменің мәліметіне қарағанда, оқиға ақпанның соңғы күні таңертең болған. Шамамен 4:00-де науқас жедел жәрдеммен ұлымен бірге келген. 58 жастағы әйелде соқырішек ауруының белгілері болып, кезекші хирург оған медициналық көмек көрсете бастаған. Ол медбикелерден сынақ алуды сұрап, нәтижесі дайын болғаннан кейін диагнозын келісу үшін тағы бір маманды - гинекологты шақырған.

 

"Біздің хирург науқастарды қабылдаудың барлық хаттамасын ұстанды. Гинеколог 10-15 минутта келуі керек еді. Алайда шыдамсыз ұлы бұған келіспеді. Ол науқасқа көмек көрсетіп жатқанда хирургтың бетін жұдырықпен бір ұрды", - деді аурухананың баспасөз хатшысы Гүлжан Қойшыбаева.

 

Оның айтуынша, шабуылдаушы салмағы 50 келі дәрігерден екі-үш есе үлкен болған. Оқиғадан кейін кезекші хирургтың миы шайқалған.

 

"Беті ісіп, сол жағы қисайды. Кешегі оқиғадан кейін оның жүрегі айтып, құсты. Қазір жалпы жағдайы орташа, жақсарып келеді. Бүгін жақсы болып қалды. Ол қалпына келу үшін шамамен жеті күн керек", - дейді дәрігерлер.

 

Зардап шеккен 31 жастағы дәрігер ауруханада 2017 жылдан бері жұмыс істейді екен.

 

"Осы уақытқа дейін ол дәрігер болу үшін 10 жыл оқып, тәжірибе жинады. Оқуына көп уақыт бөліп, жалақы алмаса да, оқуға ақша жұмсап келді. Содан кейін бізге ауруханаға келіп, пациенттерден осындай "алғыс" алады. Осылай жалғаса берсе ертең басқа дәрігерлер мамандық бойынша жұмыс істеуден бас тартады. Өйткені хирург болу үшін өмірінің 15 жылын өткізіп, содан кейін опық жеген кімге керек?

Бұл сорақы жағдай. Жұмыс істейтін хирургтар өзі де аз. Біздің ауруханада хирург күніне 14 сағаттық ауысымда 170-ке дейін пациент қабылдайды, олардың қырығына жуығына ота жасалады. Енді бір маманның жоқтығынан қалған дәрігерлерге жүктеме артады", - деді Қойшыбаева.

 

Ол қазіргі уақытта құқық қорғау органдары бұл іспен айналысып жатқанын айтты.

 

Бұған дейін Талғар ауданы орталық ауруханасының қабылдау бөлімінде науқастың туыстары түнгі кезекшілікте болып, науқастарды қабылдаған хирургті ұрып-соққаны хабарланған болатын.




Көрілген: 941    Пікірлер: 0

дүйсенбі, 01.03.2021, 17:40

Достарыңмен бөліс:

  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    сәуір
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4
    5 6 7 8 9 10 11
    12 13 14 15 16 17 18
    19 20 21 22 23 24 25
    26 27 28 29 30