Құрметті оқырмандар назарына! «Алаш айнасы» желілік-басылымы Ақпарат комитетінің 2023 жылғы 01 қарашадағы № 15 бұйрығы негізінде 2023 жылғы 30 қазаннан бастап бұқаралық ақпарат құралы ретінде өз қызметін тоқтатты.

К сведению уважаемых читателей! Сетевое издание «Алаш айнасы» на основании Приказа Комитета информации № 15 от «01» ноября 2023 года прекратил свою деятельность в качестве средства массовой информации с 30 октября 2023 года.

Вирустың таралу-таралмауы әр адамның жауапкершілігіне байланысты – дәрігер

14 тамыз 2020, 21:40

13 тамызда ҚР Премьер-министрі Асқар Маминнің төрағалығымен мемлекеттік комиссия отырысы өткен болатын. Онда елдегі қалыптасқан эпидемиологиялық жағдайды ескере отырып, карантин шараларын кезең-кезеңімен алып тастау жоспары қаралды.


Осыған орай медицина ғылымдарының кандидаты, Денсаулық сақтау ісінің үздігі Жұпар Наханова пікір білдірген еді.
17 тамыздан бастап карантин шаралары жеңілдетіледі. Шектеу шаралары жеңілдетілген күннің өзінде адам көп шоғырланатын орындарға жапа-тармағай баруға болмайды. Әр адам барған жерлерінде сақтық шараларын мұқият сақтаған жөн. Маска тағу, арақашықтық сақтау, антисептик қолдану, қонаққа бармау, қонақ шақырмау деген сияқты қарапайым ережелерді әлі де сақтаған абзал. Жөн-жосықсыз жүре беруге де болмайды, - дейді дәрігер.

 

Дәрігер вирустың таралу-таралмауы әр адамның жауаптылығына байланысты екенін айтады.
Менің дәрігер ретінде баса айтатыным, әркім өзіне асқан жауапкершілікпен қарауы керек. Өйткені, вирустың таралу-таралмауы әр адамның жауаптылығына байланысты. Індеттің беті қайтқанымен, әлі толықтай басылған жоқ. Сондықтан, сақтық шараларын мұқият орындау дегенді дұрыс қабылдау қажет, - дейді Жұпар Кәрібекқызы.

 

Айсұлу МАМАНҚЫЗЫ

BAQ.KZ