Шартарап

АҚШ конгресмендері Путинге қатысты резолюция ұсынды

  • © AFP 2021 / Andrew Caballero-Reynolds

    © AFP 2021 / Andrew Caballero-Reynolds

АҚШ Конгресінің екі мүшесі 2024 жылы Владимир Путин қайтадан президент болып сайланса, оны президент ретінде танымау туралы резолюция ұсынды. Ақпарат "Ғажайып жанымызда" айдарында шыққан

 

Владимир Путин кім екенін бәрі біледі. Ол президент болғалы Ресей әлемдегі ең гүлденген және еркін елдердің қатарына еніп, үлкен держава мәртебесін алды. Бұл туралы тарихшылар жүздеген жыл жазады. Бірақ резолюция авторлары туралы еріксіз сұрақ туындайды: бұл адамдар кім?

 

Демократ Стив Коэн Теннесси штатынан сайланды – ол конгресте қара нәсілділердің атынан шығатын алғашқы ақ еврей болғанын мақтан тұтады. Оны жексенбіде үлкен шіркеулерде хормен ән айтатын және ғажайып дүниелерге сенетін адамдар сайлады. Теннесси штатында балаларға мектеп алаңдарында қол ұстасуға заңды түрде тыйым салынады, өйткені діни тұрғындар мұны күнә деп санайды, деп жазады РИА Новости.

 

Стив Коэн бірнеше жыл бойы марихуана мен гейлердің некесін заңдастыруды жүзеге асырды. Ол сонымен қатар жануарлар құқығы үшін күрескен. Енді Теннесси штатында мысық өлсе, оның иесі мемлекетке бес мың доллар айыппұл төлейді.

 

Республикашыл Джо Уилсон Солтүстік Каролинадан сайланған — заң бойынша жылқыны ваннада ұстауға тыйым салатын штат. Ол отставкадағы әскери адам, АҚШ Конгресінің әртүрлі комитеттерінде, соның ішінде мектеп үйірмелерінде тіркелген. Оның үлкен саясаттағы жалғыз жетістігі – медициналық сақтандыруды конгресте талқылау кезінде президент Обамаға "сіз өтірік айтасыз!" дегені. Алайда ол артынан кешірім сұрауға мәжбүр болды.

 

Енді Конгрестегі мәртебесін сәл көтеру үшін Коэн мен Уилсон Ресей тақырыбын көтере бастады.

 

Тамызда олар Ресей спортына қарсы бағытталған "Алтын акт" деп аталатын заң жобасын ұсынды. Біз ол туралы жаздық. Онда америкалық қауіпсіздік қызметкерлеріне бүкіл әлемде Ресей спортына қатысы бар адамдарды ұстап алу ұсынылған. Содан бері үш ай өтпей жатып Коэн мен Уилсон Ресей президентін мойындамау туралы қарар ұсынды. Олардың арнайы кестесі бары анық. Олар тоқсан сайын осы бойынша бастама көтереді.

 

Бұған Путиннің қатысы қанша? Владимир Путин көптеген жыл бойы америкалық серіктестері жасаған бірқатар дағдарыстарды сәтті жеңді.

 

Модельденген апаттың көпшілігі Ресей тұрғындарына қарағанда америкалықтарға қатты тиді. 2007-2008 жылдардағы дағдарысты штаттарда Ұлы рецессия деп атайды. Ол бірқатар банкротқа, бүкіл аймақтың күйреуіне және суицидтің көбейіне алып келді. Ресейде рубль құлдырады. Ол уақытта адамдар жаппай арзан жылжымайтын мүлік сатып ала бастады.

 

Мұндай жағдай 2014 жылы да қайталанды. Біз Олимпиаданы сәтті өткізіп, Қырымды қостық, Донбасты геноцидтен құтқардық. Ресейліктер рубльдің арзандауына әдеттегідей жауап берді – олар қайтадан үйлер мен пәтер сатып ала бастады.

 

Пандемия кімнің кім екенін көрсетті. Америкаға сөрелер босап, бәрі тапшы болды. Адам өлімі бойынша да алдыңғы орында тұр. Бұл уақытта Ресей ипотекалық несиелендірудің өсуі бойынша рекорд орнатты.

 

Ресей президентінің кейбір сәтті шешімдерін америкалықтар көшіре бастады. АҚШ конгресінде қабылданған инфрақұрылымдық заң дегеніміз не? Иә, бұл ескі автомобильдер мен темір жолдарды қайта құру, орнына жаңасын салу бағдарламасы. Ресейліктер мұнымен ондаған жылдан бері айналысып келеді. Америкалықтар Қырым көпірін салуды көздейді, себебі оның жұмыс істейтінін біледі.

 

Енді 2024 жылы Путин сайлауға түссе, осыдан-ақ ресейліктердің кімге дауыс беретіні белгілі. Мұны америкалықтар да біледі, осылайша олар осындай бастама көтерді.

 

...Конгресте Коэн мен Уилсон идеясын талқылау АҚШ-тың жоғарғы заң шығарушы билігінің құлдырауының дәлелі болып табылады. Мұны қабылдау халықаралық құқықтың бұзылуы, Ресейдегі сайлауға ашық араласу екенін анық көрсетеді. Алайда мұндай бұзушылықты кім байқайды?

 

Мұндай резолюция жиырма-отыз жыл бұрын пайда болса, ол ресейліктерге қандай да бір әсер етер ме еді. Не дегенмен ол кезде Америка гегемон деп саналды. Оның ойының айтарлықтай салмағы болды. Ал бүгін ше? Ел құлаудың алдында тұр, елдің триллион қарызы бар, әскери жеңілістері бар, сайлаушылардың тең жартысы президенттің ақыл-есі кем деп санайды. Мұндай ел бір жерге араласып, біреуге жол сілтей ала ма?

 

Шын мәнінде, америкалық заң шығарушылар 2024 жылы Путин туралы ойламауы керек, өз сайлауын уайымдағаны дұрыс. 2020 жылғы президент сайлауындағы бұрмалау қазір ондаған миллион америкалықтың ел президенті Джо Байденнің заңды отырғанына сенбеуіне әкелді.

 

Орыстардан үйренуге болатын қарапайым лайфхактар бар. Сайлау учаскелерінде азаматтар жеке куәліктерін көрсетуге тиіс. Дауыс беру және дауыстарды санау процесін видеоға түсіруге болады. Бақылаушылар партиялар мен халықаралық ұйымдардан шақырылады.

 

Дауыс берушілерді ұрып-соғуға болмайды – мұндай жағдай Америкада болды. Бақылаушыларды дауыстарды санау процесіне жіберу қажет. Тәуелсіз журналистерге кедергі келтірмеу керек. Мұның барлығы қиын емес.

 

 

 

sputnik.kz




Көрілген: 596    Пікірлер: 0

сейсенбі, 23.11.2021, 00:56

Достарыңмен бөліс:





  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2022
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    2022
    қаңтар
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2
    3 4 5 6 7 8 9
    10 11 12 13 14 15 16
    17 18 19 20 21 22 23
    24 25 26 27 28 29 30
    31