АҚШ КСРО-ның тағдырын қайталауы мүмкін. Елдің бұрынғы президенті Дональд Трамп осындай мәлімдеме жасады, - деп хабарлайды Alashainasy.kz тілшісі Ulysmedia.kz-ке сілтеме жасап.
Трамптың Вашингтонда сөйлеген сөзі Guardian News YouTube арнасында жарияланды.
Экс-президент саясатпен айналысуды жалғастыруға уәде берді.
"Егер мен саясатқа араласуды тоқтатсам, біздің ұлтымыз Венесуэлаға немесе екінші Кеңес Одағына айналуы мүмкін", — деді ол.
Оның пікірінше, АҚШ қазір осы бағытты ұстанып келеді.
"Немесе бәрінен айырылған, үміті сөнген үлкен Кубаға айналуы ғажап емес", — деп түйіндеді Трамп.
Бұған дейін Дональд Трамп АҚШ әлем алдында тізе бүгіп, түрлі қорлауларға төзіп отырғанын мәлімдеген.