Шартарап

АҚШ-та полицей афроамерикалық қызды атып өлтірді: наразылық басталды

  • Фото: Reuters

    Фото: Reuters

Огайо штатындағы Колумбус қаласында полицейлер қаранәсілді 16 жастағы қызды атып өлтірді. Бұған жауап ретінде наразылық білдірушілер полиция ғимаратының алдына жинала бастады, - деп хабарлайды РИА Новости.

 

Жергілікті 10TV телеарнасының мәліметінше, полицейлер 20 сәуірде тәртіп бұзылуына байланысты оқиға орнына шақырылған. Қаза болған Макайя Брайанттың отбасы үйі алдында қыздар жанжал шығарып жатқан соң, полиция шақырғанын айтады.

 

 

Брайант ауруханаға ауыр халде жеткізілген, сонда қайтыс болды. Полицейлер оны не үшін атып тастағаны айтылмады.

 

Колумбус мэрі Эндрю Джинтер Twitter желісіндегі парақшасында қалада "жасөсірім қайғылы жағдайда көз жұмғанын" жазды, бұл жайттың мән-жайын айтады. Оның сөзінше, оқиға полицейлердің камерасына жазылған.

 

"Мен тұрғындардан сабыр сақтап, Тергеу бюросына деректерді жинауға мүмкіндік беруін сұраймын", - деп жазды мэр Twitter-де.

 

 

Алайда, 10TV хабарына қарағанда, полиция басқармасы алдында наразылық білдіру үшін халық жинала бастаған. Олар қайтыс болған қыздың есімін айғайлап айтып жатыр.

 

 

 

Бұл оқиға қаранәсілді америкалық Джордж Флойдты қылқындырып өлтірген экс-полицейдің үкімі шыққан уақытта болған. Америкалық Миннеаполис сотында бұрынғы полицей Дерек Шовин Флойдты өлтіргені үшін кінәлі деп танылған еді.

 

 

Огайодағы қайғылы оқиға. Фото: Reuters

 

Еске салайық, 2020 жылы мамырда офицер Шовин Джордж Флойдты ұстау кезінде оны аяғымен қылқындырып, афроамерикалық қайтыс болған еді. Флойдтың өлімінен кейін АҚШ-та жаппай наразылық шарасы өтіп, Black Lives Matter ("Қаранәсілділер өмірі маңызды", BLM) қозғалысы туған.

 

 

kaz.tengrinews.kz




Көрілген: 521    Пікірлер: 0

сәрсенбі, 21.04.2021, 11:49

Достарыңмен бөліс:



  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    маусым
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5 6
    7 8 9 10 11 12 13
    14 15 16 17 18 19 20
    21 22 23 24 25 26 27
    28 29 30