Америкалық турист Түркияда қонақүй қызметкерін соққыға жықты (видео)

15 қазан 2021, 18:05

Америкалық турист Түркияда қонақүйдегі тіркеу орнын қиратып, ресепшн қызметкерін аяусыз ұрды. Бұл туралы Turizm Ajansı жазады, - деп хабарлайды Kaz.tengritravel.kz тілшісі.

 

Оқиға 9 қазанда таңғы сағат 7-де Ыстамбулдың еуропалық бөлігіндегі Шишли ауданындағы қонақүйде болған. Америкалық азамат қонақүйде ұзақ уақыттан бері тұрып жатқан. Ол компьютерді тіркеу орнынан еденге лақтырған. Содан кейін қабылдау бөлімінің қызметкері арасында дау туындап, төбелеске ұласқан. Америкалық алдымен түрікті ұрады, оған жауап ретінде жас жігіт жанжалдан қашып, көшеге шыққан.

 

Соған қарамастан, турист қонақүй қызметкерін өтіп бара жатқан адамдардың көз алдында ұрған. Адамдар оны тоқтатуға тырысты. Бірақ сәтсіз болды. Куәгерлер полицияны шақырды және оқиғаны видеоға түсірді.

 

Оқиға орнына келген құқық қорғау органдары ұстау кезінде қарсылық көрсеткен америкалықты қамауға алды. Қажетті рәсімдерді өткізгеннен кейін демалушы босатылды. Саяхатшының жанжалы мен агрессиясының себептері айтылмады. Зардап шеккен қонақүй қызметкері демалысқа жіберілген.