Әйелінің 18 күйеуі бар екенін тікелей эфирден біліп қалған

29 мамыр 2021, 16:05

Қытайдың екі тұрғыны екі жылдың ішінде 19 рет үйлену тойын жасап, күйеулерінің ақшасын тартып алған, деп хабарлайды Stan.kz ақпарат агенттігі South China Morning Post басылымына сілтеме жасап.

 

Екі әйел некелерін ресми түрде бекітпеген. Осылайша олар ер адамдарға қымбаттық сыйлықтар алғызып, алаяқтық жасаған. Шығынның жалпы сомасы екі миллионнан астам юаньға (134 миллион теңге немесе 314 мың доллар) бағаланған. Әйелдерге алаяқтық әрекетін жүзеге асыру барысында үш сыбайласы көмектескен.

 

Еркектердің бірі осы жылдың наурыз айында интернетте тікелей эфирден үйлену тойын көріп, өзінің әйелінің тұрмысқа шығып жатқанын байқап қояды. Нәтижесінде алаяқтық әшкере болады.

 

Алданған ер адамдап полицияға жүгінді. Ер адам құқық қорғау органдарының қызметкерлеріне әйелінің үйленгеннен кейін екі ай бірге тұрып, сол екі айдың ішінде тек он күн ғана үйде болғанын айтқан. Әйелдер үйленгеннен кейін ата-анамызға барамыз деп өтірік айтып кеткен.

 

Тұтқындаудан кейін 2019 жылдан бастап  19 ер адам неке алаяғының құрбанына айналғаны белгілі болды.