Шартарап

Босануына қатысты дәлелдер жоқ: Он бала туған әйел нәрестелерін бағып-қағу үшін халықтан көмек сұраған

  • Босануына қатысты дәлелдер жоқ: Он бала туған әйел нәрестелерін бағып-қағу үшін халықтан көмек сұраған

    Босануына қатысты дәлелдер жоқ: Он бала туған әйел нәрестелерін бағып-қағу үшін халықтан көмек сұраған

Он бала туған Оңтүстік Африкалық әйел өзінің ұрпақтарын бағып-қағу үшін қажылай көмек сұрап жатыр, алайда шенеуніктер оның босануына байланысты дәлел таба алмай жатқан көрінеді, деп хабарлайды Stan.kz ақпарат агенттігі Pretoria News басылымына сілтеме беріп.

Дүкенде менеджер болып жұмыс істеген 37 жастағы Гозиам Ситхол босанғаннан кейін жұмыс істей алмайтынын және өмір сүруге оған памперс, балалар тағамы, бөтелкелер, киім-кешек пен қолма-қол ақша қажет ететінін айтты.

 
Күйеуі жұмыссыз әйел екі айлық жүктілік кезінде ақысыз демалыс алып, жинақтарын тауысқанын, қазі оған қарт қайын енесі көмектесетінін айтады.

Алайда шенеуніктер Ситхолдың бала босанғанын дәлелдейтін айғақтар жеткіліксіз екенін айтады. 

Әлеуметтік қызметкерлер отбасыны 2016 жылдан бері танитынын айтады. Сол жылы ол егіздері туған. Жақында олар әйелдің үйіне фактіні дәлелдеу үшін адам жіберетінін хабарлады.

Аймақтық губернатордың өкілі Табо Масебе өзінің провинциясындағы кез келген ауруханада - мемлекеттік немесе жеке ауруханада 10 нәрестенің туғаны туралы ешқандай хабарлама тіркелмегенін және мұндай оқиғаны "жасыру қиын" болатынын айтты.

Independent Media басылымының Гаутенгтегі әйелдің он бала дүниеге әкелгені туралы хабарламаларынан кейін Гаутенг провинциясы үкіметі ақпараттың растығын анықтау үшін провинцияның барлық ауруханаларында мұқият тексеру жүргізді.

"Провинцияның бірден-бір ауруханасында мұндай бала босану туралы ақпарат жоқ. Егер шын мәнінде босану жайлы ақпарат рас болып шықса, бұл әлемдік рекорд болмақ", - деді баспасөз қызметкері.

Ситхолдың күйеуі Тебого Цотеци дүйсенбіде кешке журналистерге әйелі жеті ұл мен үш қыз туды деп мәлімдеді.

MailOnline басылымы әйелдің босанғанын растай алмаған, себебі аурухананың атауы жария етілмеген.

"Біз анасы мен оның балаларын әлі көрген жоқпыз, алайда олар 2016 жылдан бері біздің клиенттеріміз. Әйел осыған дейін егіздер туған", - деді ол.

Оңтүстік Африкалық БАҚ ақпаратқа қатысты екіге бөлінді: бірі мұның растығын айтып дәлелдеуге тырысса, енді бірі ақпараттың бірден жалған екенін мәлімдеді.

Басылымның мәліметінше, күдік ұялататын нәрсе - әйелдің босанғаннан кейінгі фотосының, балаларының суретінің жоқ екендігі. Pretoria News жариялаған ерлі-зайыптылардың сұхбаты әйелдің бала босанғаннан кейін ғана басылымға жарық көрген. 




Көрілген: 887    Пікірлер: 0

жұма, 11.06.2021, 15:39

Достарыңмен бөліс:



  • СОҢҒЫ ЖАРИЯЛАНЫМДАР:
    26 Шілде, 11:00
    Ірі метеорит құлады

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    шілде
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4
    5 6 7 8 9 10 11
    12 13 14 15 16 17 18
    19 20 21 22 23 24 25
    26 27 28 29 30 31