Шартарап

Бойжеткен сақтандыру компаниясынан ақша алу үшін қолын кесіп тастады (ВИДЕО)

  • Видеодан кадр

    Видеодан кадр

Словения тұрғыны 1 миллион еуро сақтандыру қаржысы үшін қолының бір бөлігін арамен әдейі кесіп тастады.

 

Юлия Адлесич есімді қыздың ойын іске асыруға оның жігіті көмектескен. Бұған дейін 22 жастағы қыз бес сақтандыру компаниясымен келісімшартқа отырған, деп хабарлады ABC News.

 

Оқыс оқиға салдарынан қыз 1 миллион еуродан (шамамен 505 миллион теңге) астам ақша алуы керек еді, оның жартысы бірден, ал қалғаны ай сайынғы төлемдер түрінде төленуі тиіс болатын.

 

ВИДЕО:  www.youtube.com/watch

 

Адлесич қолының бір бөлігінен айырылғаннан кейін ауруханаға жеткізілді. Қос ғашық қыздың бұтақты аралау кезінде жарақат алғанын айтқан. Сонымен қатар, олар Юлияны біржола мүгедектікке шығару үшін кесілген қолды өздерімен бірге алып келмеген.

 

Жастарға ешкім сенбейді. Прокуратура бұл оқиғадан бірнеше күн бұрын Юлияның жігіті интернеттен жасанды қолдың қалай жұмыс істейтіні туралы ақпарат іздегенін анықтады, бұл олардың оны әдейі істегеніне тағы бір дәлел болды.

 

Іс сотқа жіберілді, онда қыз ешқашан мұндай нәрсені әдейі істемеуші едім деп мәлімдеді.

 

"Ешкім мүгедек болғысы келмейді. Менің жастық шағым талқандалды. 20 жасымда қолымнан айырылдым. Оның қалай болғанын мен ғана білемін", - деді ол сот процесі кезінде.

 

Словения соты Юлияны сақтандыруға қатысты алаяқтық жасауға тырысқаны үшін айыпты деп танып, оны екі жылға, ал жігітін үш жылға бас бостандығынан айырды.

 


 

sputniknews.kz




Көрілген: 361    Пікірлер: 0

сенбі, 12.09.2020, 17:17

Достарыңмен бөліс:

  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2020
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    қазан
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4
    5 6 7 8 9 10 11
    12 13 14 15 16 17 18
    19 20 21 22 23 24 25
    26 27 28 29 30 31