Шартарап

Дереккөз: Түркіменстанда пандемия басталғалы бері 25000 өлім тіркелді

  • Ашхабадтағы қабірстан,  2020 ж. маусым

    Ашхабадтағы қабірстан, 2020 ж. маусым

Түркімен билігі елде осы уақытқа дейін COVID-19 тіркелген жоқ деп отыр.

 

Азаттық радиосы түркімен қызметінің Түркіменстан денсаулық сақтау жүйесіне қатысы бар дереккөзінің хабарлауынша, түркімен үкіметі коронавирустан қайтыс болғандардың құпия тізімін жасап жүр. Азатлык бұл мәліметті басқа да дереккөздер арқылы әзірге растай алмады. Денсаулық сақтау министрлігі де Азатлыктың осы мәселеге қатысты сауалдарына жауап беруден бас тартты.

 

Дереккөздің 14 қазанда берген мәліметіне қарағанда, 2020 жылдың басында пандемия басталғалы бері Түркіменстанда коронавирустан 25 мыңнан астам адам қайтыс болған.

 

"Мәлімет жарияланбаса да, уәлаяттар коронавирусқа қатысты есептерін денсаулық сақтау министрлігіне жолдап тұрады. Министрліктегі қауіпсіздік қызметінің өкілдері уәлаяттардан түскен есептерді жинап, қалыптасқан жағдайға бақылау орнатады", дейді аты-жөні мақалада аталмағанын қалаған дереккөз.

 

Оның айтуынша, Лебап пен Мары уәлаяттарында өлім көп тіркелген. Бұл аймақтар коронавирустың негізгі ошақтары саналады.

 

Дереккөздің пікірінше, уәлаяттар мәліметті әдейі азайтып беруі мүмкін, ал шынайы жағдай одан да ауыр болуы мүмкін.

 

"Аймақ басшылары өлімге қатысты мәліметтерді кешіктіріп береді. Олар бұның салдарынан қорқады. Коронавирустан нақты қанша адам қайтыс болғанын айту қиын, өйткені жергілікті билік өлімнің жалған себебін атауға әуес", деп есептейді дереккөз.

 

Өткен аптада Түркіменстан президенті Гурбангұлы Бердымұхамедов Ашғабатта Дүниежүзілік денсаулық сақтау ұйымы Еуропа аймағы бюросының директоры Ханс Клюгемен кездесіп, елде коронавирус жоқ деп айтқан. Президенттің мәлімдеуінше, Түркіменстанда "халықтың 70 пайыздан астамы" вакцина салдырған.

 

 

 

centralasian.org/

 




Көрілген: 542    Пікірлер: 0

жұма, 15.10.2021, 18:56

Достарыңмен бөліс:





  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    желтоқсан
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5
    6 7 8 9 10 11 12
    13 14 15 16 17 18 19
    20 21 22 23 24 25 26
    27 28 29 30 31