Шартарап

Ереванда уақытша үкіметтің құрылуын талап еткендер митингке шықты

  • Ереванда уақытша үкіметтің құрылуын талап еткендер митингке шықты

    Ереванда уақытша үкіметтің құрылуын талап еткендер митингке шықты

Ереванда Премьер-министр Никол Пашинянның қызметінен кетіп, уақытша үкіметтің құрылуын талап еткендер митингіге шықты. Оппозиция өкілдері РФ Президенті Владимир Путин, Әзербайжан Президенті Ильхам Алиев және Армения Премьер-министрі Никол Пашинян Таулы Қарабақ маңындағы соғысты тоқтату туралы ортақ мәмілеге қол қойғаннан кейін қарсылық шарасына шығып жатыр, деп хабарлайды ҚазАқпарат.

Ереван орталығындағы Бостандық (Свобода) алаңында Таулы Қарабақтағы қақтығысты тоқтату туралы РФ, Әзербайжан мен Армения көшбасшыларының ортақ мәлімдемесіне оппозиция өкілдері қарсылық танытып жатыр. 

17 партиядан құралған оппозиция митингі кезінде тығырықтан қалай шығуға болатыны туралы өз жоспарын ұсынды: «Ұлттық құтқару комитетін» құру, Никол Пашинянді қызметінен бостау және қазіргі үкіметті таратып, уақытша үкімет құру. Сондай-ақ, митингі ұйымдастырушылары мен қатысушылары кезектен тыс Парламент отырысын шақыруды талап етіп жатыр. 


«Арменпресс» басылымының хабарлауынша, митингіден кейін қатысушылар Бостандық алаңынан Армения Үкіметі ғимаратына барып, содан кейін Парламент ғимаратына кетті. Армения полицейлері елдегі соғыс жағдайына байланысты жаппай акциялар ұйымдастыруға тыйым салынғанын ескертті.

 «Арменпресс» мәліметі бойынша, Нұр-Сұлтан уақытымен 15.30-да полиция 79 адамды алып кетті. 

Естеріңізге сала кетейік, 9 қарашада Әзербайжан Республикасының президенті Ильхам Алиев, Армения Республикасының премьер-министрі Никол Пашинян және Ресей Федерациясының президенті Владимир Путин 2020 жылдың 10 қарашасынан, Мәскеу уақытымен 00 сағат 00 минуттан бастап Таулы Қарабақ маңындағы соғыс жағдайын толық тоқтату туралы мәлімдемеге қол қойды.




Көрілген: 327    Пікірлер: 0

бейсенбі, 12.11.2020, 00:45

Достарыңмен бөліс:

  • СОҢҒЫ ЖАРИЯЛАНЫМДАР:
    10 Қаңтар, 18:13
    COVID-19. Әлемдегі жағдай

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    қаңтар
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3
    4 5 6 7 8 9 10
    11 12 13 14 15 16 17
    18 19 20 21 22 23 24
    25 26 27 28 29 30 31