Шартарап

Гүлнара Каримованың қызы өзбек үкіметіне үндеу жасады

  • Өзбекстанның бұрынғы президенті Ислам Каримовтің қызы Лола Каримова-Тилляева (сол жақта) және жиені Иман Каримова. Ташкент, 31 тамыз 2017 жыл.

    Өзбекстанның бұрынғы президенті Ислам Каримовтің қызы Лола Каримова-Тилляева (сол жақта) және жиені Иман Каримова. Ташкент, 31 тамыз 2017 жыл.

Өзбекстанның бірінші президенті, марқұм Ислам Каримовтің жиені Иман Каримова Instagram парақшасы арқылы Өзбекстан мемлекеттік қауіпсіздік қызметі мен бас прокуратурасына үндеу жасады. Ол қамауда отырған анасы Гүлнара Каримоваға түрмеде қысым жасалатыны туралы мәлімдеген. "Түрмеде тиісті медициналық көмек көрсетілмегендіктен анамның жағдайы күннен-күнге нашарлап бара жатыр" деп мәлімдеген 21 жастағы Иман Каримова.


Биыл көктемде түрмеде отырған Гүлнара Каримовамен жолыққан оның швейцариялық адвокаты Грегуар Манжа да Иманның сөзін растайды.


"Каримоваға ем-дом жасалмайды. Бізбен кездескеннен кейін оны түрменің медициналық блогынан шығарып жіберген. Дәрігерге де жолықтырмай, оған үнемі психологиялық қысым жасайды" деп жазады адвокат өзінің Twitter парақшасында.


Өткен аптада Өзбекстан бас прокуратурасы Гүлнара Каримоваға "қысым жасалып, медициналық көмек көрсетілмей жатыр" деген ақпаратты жоққа шығарған. "Денсаулығы қалыпты, қажетті медициналық ем-домның барлығын жасауға кепіл береміз" деп мәлімдеген прокуратура.


Өзбекстанда Гүлнара Каримованың үстінен екі қылмыстық іс қозғалған. Тергеушілер "мемлекетке екі миллиард доллар зиян келген" дейді.


2015 жылы Ташкент соты Гүлнара Каримованы салықтан жалтару, ақша жымқыру және бопсалау қылмыстарына айыпты деп танып, бес жылға бас бостандығын шектеген. Кейін оның үстінен қаржы алаяқтығын жасаған, шетел валютасын жасырған, кеден заңын бұзған және қылмыстық жолмен тапқан ақшаны заңдастырған деген айыптар бойынша тағы бір іс қозғаған.


2017 жылы желтоқсанда Өзбекстан соты Гүлнара Каримованы 10 жылға бас бостандығынан айырған. 2018 жылы жазда оның жазасын жеңілдетіп, бес жылға бас бостандығын шектеу жазасына ауыстырған. Сот үкіміне сәйкес, Гүлнара Каримова қызы Иманның үйінде өтеуі тиіс болған, оның үйден шығуына және интернет пен байланыс құралдарын пайдалануына тыйым салған.


2019 жылы наурыздың басында Өзбекстан бас прокуратурасы Гүлнара Каримованың сот шешімімен үйқамақтан түрмеге ауыстырылғанын хабарлаған. Биліктің мәлімдеуінше, үйқамақта отырған Гүлнара Каримова "жаза өтеу шарты мен тәртібін қасақана бұзған": бірнеше рет байланыс құралдарын пайдаланып, қызының үйінен рұқсатсыз шығып кеткен.


2013 жылы швециялық басылымдар Өзбекстанға инвестиция салуға ықылас білдірген халықаралық коммуникациялық компаниялардың Гүлнара Каримоваға пара беруге мәжбүр болғаны туралы жазған еді. Шулы мақалалардан кейін Швеция, Швейцария, Нидерланд, АҚШ және басқа елдерде тергеу басталып, ірі телекоммуникациялық компаниялардың іс-әрекетін тексере бастаған.


Мобильдік байланыс қызметін көрсететін үш ірі компания - Telia, Vimpelcom және МТС Өзбекстанның телекоммуникациялық нарығына кіру үшін Гүлнара Каримоваға бірнеше миллион пара бергенін мойындаған. Бұдан кейін АҚШ ресми түрде Каримованы пара алды және 865 миллион доллар қаржының ізін жасырды деп айыптаған.


 azattyq.org




Көрілген: 639    Пікірлер: 0

дүйсенбі, 17.06.2019, 13:06

Достарыңмен бөліс:

  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2019
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    шілде
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5 6 7
    8 9 10 11 12 13 14
    15 16 17 18 19 20 21
    22 23 24 25 26 27 28
    29 30 31