Шартарап

Халықаралық Олимпиада комитеті "антисекс төсектер" дауына қатысты түсінік берді

  • Халықаралық Олимпиада комитеті

    Халықаралық Олимпиада комитеті "антисекс төсектер" дауына қатысты түсінік берді

Бірегей кереуеттер картоннан жасалған және екі адамның салмағын немесе кенеттен жасалған қозғалысты көтере алмайды. Пандемиядан әлдеқайда бұрын жасалған төсектер Токиода өтетін ойындарда COVID-19-ға қарсы жасалған амалдардың бірі емес дейді Халықаралық Олимпиада комитет өкілдері. 2020 жылдың қаңтарында ашылған Олимпиада қалашығының төсектері ұйымдастырушылардың қалдықтарды азайту және айналмалы экономиканың мүмкіндіктерін көрсету жөніндегі жұмыстарының бір бөлігі болып табылады деп хабарлайды, Stan.kz ақпарат агенттігі РИА Новости-ге сілтеме жасап.
Кереуеттер 200 килограмға дейін көтере алатын беріктігі жоғары картон материалдарынан жасалған. Олар жеңіл және портативті болу үшін оңай бөлшектеледі. 

"Төсектерді спортшылар Олимпиадада да, Паралимпиадада да пайдаланады және ойындар аяқталғаннан кейін қағазға айналады. Олар спорт мерекесі соңына жеткеннен кейін пластмассадан жасалған бұйымдарға өңделетін модульді полиэтилен талшықты матрацтармен жабдықталған", – деп атап өтті ХОК баспасөз қызметінің өкілі.

Бұған дейін Токиодағы Олимпиадалық ауылдың жұмысын атқарушы Такеши Китажима бір қабатты жатын орынның тек бір адамның салмағын көтере алатынын, сондықтан оның үстінде секіруге және "ойнауға" болмайды деп айтқан.

Спортшылар осыдан кейін бұл орындарға әзіл-қалжыңмен "антисекс кереуеттер" деп баға берген.

Естеріңізге сала кетейік, Токиода 12 шілдеде жалпы есеп бойынша төртінші рет төтенше жағдай енгізілген. Ол 22 тамызға дейін, яғни Олимпиаданың бүкіл өтетін мерзіміне дейін (23 шілдеден – 8 тамызға дейін) созылады. Және Паралимпиада ойындарына бір күн қалғанда аяқталады (24 тамыз – 5 қыркүйек). Атаулы Олимпиада ойындары ұсынылған спорт түрлері бойынша ең үлкені болады деп күтілуде – 33 және олардың санаттары бойынша – 339. 19 мыңға жуық спортшылар мен 41 арнайы өкілдер мен делегациялар қатысу жоспарланған. 




Көрілген: 554    Пікірлер: 0

сәрсенбі, 21.07.2021, 15:06

Достарыңмен бөліс:





  • СОҢҒЫ ЖАРИЯЛАНЫМДАР:
    19 Қыркүйек, 12:32
    Әлемде эпидахуал қандай?

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    қыркүйек
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5
    6 7 8 9 10 11 12
    13 14 15 16 17 18 19
    20 21 22 23 24 25 26
    27 28 29 30