Шартарап

Қамауға алынған Мұхтар Әблязов екі күннен кейін бостандыққа шықты

  • © Sputnik / Серикжан Ковланбаев

    © Sputnik / Серикжан Ковланбаев

БТА банкінің бұрынғы басшысы Мұхтар Әблязов екі күн түрмеде отырып шықты. Қазіргі кезде оны Франция соты қадағалауға алды.

 

Әблязовтың адвокаты Жерар Чолакян AFP агенттігіне берген сұхбатында 7,5 миллиард долларды жымқыру бойынша айып тағылғанын жеткізді. Соның ішінде "кінәні ауырлататын мән-жайлар болған кезде сенімді теріс пайдалану" және "ақшаны жылыстату" әрекеттері бар. Оның айтуынша, сот өндірісі Қазақстан берген шағымның негізінде қозғалды.

 

"Париж прокуратурасына Қазақстаннан шағым түскен. Соны білместіктен назарға алып, тергеу судьясына жіберген тәрізді. Негізі жақында Франция Мұхтар Әблязовқа саяси баспана берген", - дейді Чолакян.

 

Мұхтар Әблязовтың өзі әлеуметтік желідегі парақшасында екі күн түрмеде отырып шыққанын растады. Оны дүйсенбі күні қамауға алған. Қазіргі кезде ол сот қадағалауына алынды.

 

Айта кетейік, 2017 жылы Қазақстан үкіметі Парижде Мұхтар Әблязовтың үстінен шағым түсіріп, БТА банкінен 7,5 миллиард теңге жымқырғаны үшін жауапқа тартуды талап етті. Шағым француз заңнамасы бойынша берілді. Оған сәйкес, саяси себептерге байланысты экстрадицияға жатпайтын шетел азаматын Франциядан тыс жерде жасаған қылмыстары мен тәртіп бұзушылықтары үшін соттауға рұқсат бар.

 

2017 жылы Мұхтар Әблязов БТА банкінің ақшасын ұрлағаны үшін сырттай 7 жылға бас бостандығынан айырылған болатын. Ал 2018 жылы Жамбыл облыстық соты банкир Ержан Тәтішевті өлтіруді ұйымдастырғаны үшін Әблязовты өмір бойына бас бостандығынан айыруға үкім шығарған.

 

 

sputnik.kz




Көрілген: 1109    Пікірлер: 0

бейсенбі, 08.10.2020, 18:04

Достарыңмен бөліс:

  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2020
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    желтоқсан
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5 6
    7 8 9 10 11 12 13
    14 15 16 17 18 19 20
    21 22 23 24 25 26 27
    28 29 30 31