Коронавирус дерегіне өзгеше есеп жүреді

27 қараша 2020, 08:06

Түркияда соңғы бір тәулікте вирусты жұқтырып алғандардың саны 28 мыңнан асты. Елде науқастар санының күрт өсуі вирусты жұқтырғандарды жаңа есептеу әдісімен байланысты.

 

Енді дертке шалдыққандар қатарына қауіпті вирусты жұқтырған, алайда ауру белгілері байқалмағандар да қосылады.

 

Бұған дейін Түркияда науқастардың қатарына дерт нышандары нақты анықталғандар ғана жатқызылып келген.

 

Бірақ сарапшылар бұл елдегі эпидемиологиялық жағдайды толық көрсетпейді деп сынаған болатын.

 

 Ресми дерек бойынша Түркияда қазірге дейін 450 мыңнан астам азамат вирус жұқтырған.

 

 

24.kz