Қырғыз елінің экс-премьер-министрі Темір Сариев қамауға алынды

03 тамыз 2021, 15:32

Қырғызстанның экс-премьер-министрі Темір Сариев ұсталды, деп хабарлайды zakon.kz Sputnik Қырғызстанға сілтеме жасап.

 

Тергеу әрекеттерінің нәтижелері мен іс бойынша алынған дәлелдемелер негізінде 3 тамызда тергеу Сариевті ұстау туралы шешім қабылдады. Ол Ұлттық қауіпсіздік мемлекеттік комитетінің (ҰҚК) уақытша ұстау изоляторына қамалды, деп хабарлады ҰҚК.

 

Тергеу мәліметтері бойынша, Сариев Экономика министрі, сонымен бірге мемлекеттік комиссияның төрағасы бола отырып, Құмтөр кенішінің жұмысынан қоршаған ортаға келтірілген зиянның мөлшерін бірнеше миллиард сомға төмендетіп көрсеткен, нәтижесінде мемлекет үлкен шығынға ұшырады.

 

Сариевке қатысты пен тергеу әрекеттері жалғастырылатыны хабарланды. Алдағы 48 сағатта Бірінші Май аудандық соты оған қатысты бұлтартпау шарасын таңдау мәселесін қарайды.

 

Бұған дейін Қырғызстанның бұрынғы президенті Асқар Ақаев Бішкекке Құмтөр кен орнына байланысты іс бойынша елге шақырылған болатын. Іздеуде болған қашқын президент Бішкекте сұрақ-жауаптан шыққан соң тергеумен келісімге келгенін айтты.

 

Асқар Ақаев 1991-2005 жылдары Қырғызстан президенті болды. Ол елде өз отставкасын талап еткен митингілердің басталуына байланысты қызметінен кетті. Акаев Қырғызстанда 16 жыл болған жоқ.