Максим Галкин ресейлік БАҚ-қа арнап видеоүндеу жариялады

09 маусым 2022, 08:39

Израильге кеткен юморист әрі тележүргізуші Максим Галкин Instagram-да БАҚ өкілдеріне арнап видеоүндеу жариялады, - деп хабарлайды Alashainasy.kz тілшісі Tengrinews.kz-ке сілтеме жасап.

"Кейбір БАҚ өкілдері концерттерімнен үзінді таратып, мені жаман көрсетуге тырысып жүр. Осыған дейін 28 жыл өнер көрсеткен, тұрған Ресейге жамандық жасаған емеспін.

Осы 28 жыл бойы саясаткерлерге, орыс халқын тонап жүрген айлакер, аянышты үгітшілер мен жемқор шенеуніктерге пародия жасап, келемеждедім. Ал сатирик ретінде бұған құқығым бар. Қазірде осылай жасаймын. Менің қазіргі спектакльдерім осы жылдар ішінде Ресейдің көптеген қалаларында болған спектакльдерден еш айырмашылығы жоқ. Мен қашанда халық жағында болдым.

Сондықтан мен халықтың бейбітшілікте, байлықта өмір сүргенін қалаймын. Сондықтан, әзіл-қалжыңға толы сөзіммен және ісіммен сүйікті Ресейімнің дамуына кедергі жасап жатқандарды шамам келгенше мазақ етемін", - деді Галкин.

 

Галкиннің видеосын жұбайы Алла Пугачева Instagram желісінде жариялады.