Шартарап

Мәскеуде полицеймен төбелескен жігітті Қадыровтың адамдары іздеп жатыр

  • © twitter/DjokharDudaev

    © twitter/DjokharDudaev

Мемдума депутаты, Рамзан Қадыровтың кеңесшісі Адам Делимханов Алексей Навальныйды қолдау акциясы кезінде сарбаздармен төбелескен шешен жігітіне үндеу жасады, - деп хабарлайды "Кавказский узел".

 

23 қаңтарда Мәскеуде шешен жігіті ерекше мақсаттағы милиция жасағымен төбелесіп қалған болатын. Видео әлеуметтік желіде тез тарап кетті. Видеода жігіт құлап түскен кезде сарбаздар оны дубинкамен ұрып жатқаны, ал митингіге келгендер оны құтқарып қалмақ болғаны көрінеді.

 

 

Делимханов Instagram желісіндегі парақшасында үндеу жасады. Ол жігіт оппозициялық көзқарастан бас тартса Қадыров заңға қатысты мәселесін шешіп беретінін айтқан.

 

"Бәріңіз әлеуметтік желіде шешен жігіті мемлекеттік қызметкерлерге қол көтергенін көрген боларсыздар. Сенің жасағаның қылмыс. Себебі Навальный секілді "еркек еркекке үйлене алады" дейтін адамдар сәйкес келмейді және сәйкес келмеген де. Сенің әкеңмен сөйлестік, егер сен оппозицияны қабылдамай, батырлық, шешен, мұсылман позициясын ұстансаң маған дайректке жазып, менімен және достарыммен байланысқа шығасың", - дейді Делимханов.

 

Депутаттың сөзінше, жігіт ММУ-де (МГУ) оқиды және оның тобындағы адамдармен түсіндіру жұмысы жүргізілген.

 

"Олар сені жақсы жігіт дейді. Әкең сен ол адамдардың (митингіге шыққандардың) позициясын қолдамайтыныңды айтады", - дейді депутат.

 

Оның айтуынша, жігіт оппозиция позициясын ұстанса, "соңына дейін баруы керек". 

 

"Сенімен, сол позицияны ұстанатындармен өзімізді қалай ұстау керегін білеміз. Бірақ егер сен олардың позициясын мойындамасаң Рамзан-қажы (Қадыров) заңға қатысты мәселеңді шешіп беретінін айтты", - дейді Делимханов.

 

Депутат митингіге шыққандарды "шайтан" деп атады.

 

"Митингіге шыққандар "еркек еркекке үйлене алатыны" туралы заңды қолдап отыр. Бұл заң олардың көңілінен шығады және олар заң мемлекетте қабылданғанын қалайды. Бізге ондай адамдар лайық емес. Ондай нәрсе ешқашан болмайды деп үміттенемін", - деді депутат.

 

 

Заңгер Александр Караваевтың сөзінше, жігіт кінәсі дәлелденсе 5 жылдан 10 жылға дейін бас бостандығынан айырылуы мүмкін.

 

Ал құқыққорғаушы Светлана Ганнушкина жігіт кінәсін мойындап, "Шешенстан билігінің айтқанын істесе жазаланбайтынын" айтады.

 

"Подъем" басылымының мәліметінше, Шешенстанның 20 жастағы тумасы Сайд-Мухаммад Джумаев жасаған ісіне өкінетінін айтып, кінәсін мойындаған екен. Бұл туралы Адам Делимхановтың көмекшісі Татьяна Лазина айтты.

 

Лазинаның сөзінше, Джумаевтың отбасы балалары полицеймен төбелескені үшін өкінетінін айтқан. Олардың айтуынша, Сайд-Мухаммад Навальныйды қолдамайды және заңсыз митингіде кездейсоқ болған.

 

Одан бөлек, Лазина депутат Адам Делимхановтың үндеуіне қатысты пікір білдірді. Оның сөзінше, Джумаев заң бұзғандықтан, әңгіме заң жағынан көмек туралы болған. 

 

Сайд-Мухаммад Джумаевтың өзі шешенстандық билікпен әлі байланыспаған. Оны полиция іздестіріп жатыр.

 

Еске салайық, 23 қаңтарда Ресейдің бірқатар қаласында және Еуропаның басқа елдерінде де оппозиционер Алексей Навальныйды қолдау акциясы өтті. Кей мәліметке сүйенсек, митингіге жүз мыңнан аса адам шыққан, үш мыңнан астамы ұсталған. Бүгінде қылмыстық іс қозғалып жатыр. Навальныйды қолдаған митинг қатысушысына алғашқы үкім Санкт-Петербургте шықты.

 

 

kaz.tengrinews.kz




Көрілген: 1802    Пікірлер: 0

сәрсенбі, 27.01.2021, 14:47

Достарыңмен бөліс:

  • СОҢҒЫ ЖАРИЯЛАНЫМДАР:
    25 Ақпан, 23:48
    Жер сілкінді

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    наурыз
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5 6 7
    8 9 10 11 12 13 14
    15 16 17 18 19 20 21
    22 23 24 25 26 27 28
    29 30 31