Шартарап

Пашинян Ильхам Әлиевпен келіссөз өткізуге дайын екенін мәлімдеді

  • https://vestikavkaza.ru/

    https://vestikavkaza.ru/

Армения премьер-министрі Никол Пашинян Таулы Қарабақтағы қақтығысты бейбіт реттеу мәселесі бойынша Мәскеуде Әзербайжан президенті Ильхам Әлиевпен келіссөз өткізуге дайын екенін мәлімдеді.

 

Пашинян ол үшін Таулы Қарабақтың мәртебе мәселесі шешілуі тиіс дейді. Ол ТАСС агенттігіне берген сұхбатында аймақтың статусын Таулы Қарабақ халқы анықтауы тиіс деп мәлімдеген.

 

Әзербайжан президенті Ильхам Әлиев те ТАСС агенттігіне қақтығысты реттеу бойынша келіссөзге дайын екенін білдірген.

 

&ldquoБіз де бейбітшілік болғанын қалаймыз, алайда Арменияға қарағанда біз өзімізге тиесілі жерді қайтарғымыз келеді&rdquo деген.

 

&ldquoНовая газета&rdquo басылымының жазуынша, өзін республика жариялаған Таулы Қарабақтың қорғаныс билігі 27 қыркүйектен бері 729 армян сарбазының қаза тапқанын хабарлаған. Ал Әзербайжан тарабы нақты қанша сарбаздың мерт болғанын айтпады.

 

Осыған дейін Әлиев әскери қимылдар тоқтаған соң адам шығыны туралы мәлімет жарияланатынын хабарлаған.

 

Таулы Қарабақтағы шиеленіс 27 қыркүйек күні тағы да қақтығысқа ұласты. Салдарынан кемі 600 сарбаз бен бейбіт тұрғын қайтыс болды. Бұл екі ел арасындағы алты жылғы соғысты аяқтаған 1994 жылғы бітімнен кейінгі ең ірі қақтығыс саналып отыр.

 

Халықаралық деңгейде Әзербайжанның территориясы саналатын Таулы Қарабақты 1994 жылғы бітімнен бері Ереван қолдауына ие этникалық армяндар бақылауда ұстап отыр.

 

Қазіргі жанжал оған Әзербайжжаның одақтасы Түркия және Ұжымдық қауіпсіздік шарты ұйымы аясында Арменияның территориялық тұтастығын қорғауға міндеттеме алған Ресей қатысар болса, халықаралық жанжалға айналып кетуі мүмкін деген алаңдаушылық бар.

 

azattyq.org




Көрілген: 527    Пікірлер: 0

сәрсенбі, 21.10.2020, 14:13

Достарыңмен бөліс:

  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2020
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    қараша
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1
    2 3 4 5 6 7 8
    9 10 11 12 13 14 15
    16 17 18 19 20 21 22
    23 24 25 26 27 28 29
    30