Шартарап

Ресей НАТО-ның Қара теңіздегі әрекетіне қатысты пікір білдірді

  • © Sputnik / Виталий Аньков

    © Sputnik / Виталий Аньков

Ресей сыртқы істер министрінің орынбасары Сергей Рябков Қара теңіздегі АҚШ пен НАТО-ның әрекетін "отпен ойнау" деп бағалады. Бұл туралы РИА Новости жазды.

 

"Қара теңіздегі ахуал бізді расында да алаңдатып отыр. АҚШ пен НАТО бойынша одақтастардың, өңірдегі осы мемлекеттердің кейбір клиенттерінің арандатушылық әрекеті таусылар емес", - деді ол журналистерге.

 

"Америка кемелері орналасқан жерінен мың шақырым қашықтықта Қара теңізде не істеп жүр? Кеме қатынасының еркіндігі үшін деген сылтау орынсыз. Мұның барлығын отпен ойнау деп бағалауға болады", - деді Рябков.

 

Оның айтуынша, Ресей қорғанысы берік және Мәскеу барлық ниет-жоспардан хабардар.

 

"Өкінішке қарай, мұхиттың арғы жағындағы әріптестеріміз шиеленіс күшейіп, қақтығыс ықтималдылығы артып жатқанына мән берер емес", - деді Рябков.

 

Сонымен қатар РФ президентінің баспасөз хатшысы Дмитрий Песков те Владимир Путиннің осы жағдайға қатысты пікірін жеткізді.

"Президент Қара теңіздегі АҚШ әскери кемелерінің белсенділігіне алаңдап отыр және ол бұл туралы алдында да айтқан", - деді Кремль өкілі.

 

Оның айтуынша, АҚШ кемелерінің Ресей шекарасына жақын келуі үлкен назар аударуды қажет етеді. Алайда президенттер әкімшілігі арасында әзірше бұл мәселе бойынша ешқандай әңгіме болған жоқ.

 

Сонымен қатар Ресейдің қорғаныс министрлігі де Қара теңізде АҚШ пен НАТО бойынша одақтастардың белсенділігі артқанын мәлімдеді. Ведомство бұл ең алдымен әскери-теңіз күштері, әуе және теңіз барлау құралдары, сондай-ақ стратегиялық авиацияға қатысты екенін атап өтті.

 

"Соңғы тәулікте Ресей Әскери-ғарыш күштері зениттік зымыран күштері НАТО-ның төрт барлау ұшағын анықтады", - деп жазылған министрлік хабарламасында.

 

Базалық патрульдік P-8А Poseidon екі ұшағы, сондай-ақ U-2S пен RC-135 барлау ұшақтары Қара теңіздің солтүстік-батыс және орталық бөліктерін айналып ұшты.

 

Сонымен қатар Мәскеу уақыты бойынша сағат 12:00 және 15:00-де британдық RC-135 Қырымның оңтүстік-батыс бөлігіндегі Ресей шекарасына жақын ұшуға тырысты. Оның әрекетін бақылау үшін Ресей Әскери-ғарыш күштерінің Су-30 жойғыш ұшағы әуеге көтерілді. Ол Ұлыбритания Әскери-әуе күштерінің ұшағына мемлекет шекарасынан 30 километр қашықтыққа жақындады. Осыдан кейін RC-135 өз бағытын түбекке қарай өзгертті.

 

Қорғаныс министрлігі бұған дейін Қара теңізге оқу-жаттығу үшін келген АҚШ Алтыншы флотының Mount Whitney кемесі мен Porter эсминеці әлі де акваторияның батыс бөлігіне қарай жүруді жалғастырып жатқанын айтты.

 

"Қара теңіз флотындағы "Мәскеу" крейсері мен "Адмирал Эссен" фрегаты Америка кемелерінің іс-қимылын бақылауда ұстап отыр" – деді РФ қорғаныс министрлігі.

Ведомство "мұндай жоспардан тыс оқу-жаттығулар АҚШ-тың Ресейге қарсы арандатушылық әрекеті ретінде бағаланатынын" айтты. Министрлік осы тектес әрекеттер "өңірлік қауіпсіздік пен стратегиялық тұрақтылыққа қауіп төндіретінін" жеткізді.

 

Соңғы уақытта Ресей шекарасы маңында, соның ішінде Қара теңізде шетелдік барлау ұшақтары мен пилотсыз ұшатын аппараттардың белсенділігі артты. РФ қорғаныс министрлігі батыстағы серіктестерді мұндай іс-қимылдан аулақ болуға шақырғанымен, еш реакция болмады.

 

Біраз бұрын АҚШ Әскери-теңіз күштерінің алтыншы флоты Солтүстік альянс күштерімен бірлескен операциялар жүргізу үшін Mount Whitney флагмандық командалық кемесі Қара теңізге бет алғанын хабарлады. Кеме бортында АҚШ ӘТК алтыншы флоты штабы мен НАТО теңіздегі соққы жасау және қолдау күштері (Naval Striking and Support Forces - STRIKFORNATO) қолбасшылығының қызметкерлері бар.

 

Ресей Федерациясы қорғаныс министрлігі Қара теңіздегі АҚШ ӘТК кемелерінің әрекетін бақылап отырғанын мәлімдеді. Ведомствоның мәліметінше, АҚШ Ресей шекарасы жанында қарулы күштер тобын құру бойынша жоспардан тыс әрекеттерге көшті. Ал АҚШ-тың Қара теңіздегі мақсатының бірі – Украинаны әскери тұрғыда игеру. АҚШ Донбастағы қақтығысты күшпен шешуге тура келген жағдайда ахуал қалай болатынын зерделеп жатыр, деп болжады РФ қорғаныс министрлігі.

 

 

 

sputnik.kz




Көрілген: 400    Пікірлер: 0

жұма, 12.11.2021, 08:47

Достарыңмен бөліс:





  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2022
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    2022
    қаңтар
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2
    3 4 5 6 7 8 9
    10 11 12 13 14 15 16
    17 18 19 20 21 22 23
    24 25 26 27 28 29 30
    31